इटालीमा आङ्काजीसंग अन्तर्क्रिया

रोम । इटालीमा रहेका जनजातीहरूले नेपाल जनजाती महासंघका केन्द्रीय महासचिव आङ्काजी शेर्पासंग अन्तरक्रिया गरेका छन् । आदिवासी जनजातिहरुको हक हितका लागि कडा रुपमा पेश हुने ब्यक्तिका रुपमा चिनिने शेर्पा, इफड्को कार्यक्रमहरुमा जनजातिहरुको उपस्थिती भन्ने सम्मेलनमा भाग लिन यहाँ आएका हुन् । बिभिन्न देशमा जनजाति महासंघको स्थापनाको लागि पहल गरिसकेका शेर्पाले इटालिको आफ्नो छोटो बसाईलाई भरपुर सदुपयोग गरेका थिए ।

 औपचारिक रुपमा इटालिमा कुनै जनजाति ब्यक्तिसँग चिनाजान नभएका शेर्पाले यहाँका स्थानिय जनजातिहरुको स्थिती र अवस्थाका बारेमा जानकारी लिएका थिए।छोटो समयमा पनि उल्लेख्य भेलालाई सम्बोधन गर्दै भने,”हामी आदिवासी जनजातिहरुको यो सद्भाव अनि भाइचारापन संसार भर कायम भएको तर हामी आफ्नै मुलुकमा भने दोश्रो दर्जाको नागरिक सरह छौं।”

 नेपालमा एकात्मक राज्य प्रणालीले न त निरङ्कुश शासनमा, न पञ्चयातिकालमा, न अहिलेको लोकतन्त्रमा आदिवासी जनजातिहरुलाई सम्बोधन गरेको बिषयलाई चर्चा अनी व्याख्या गरेका थिए। काठमान्डौको सिंहदरबार त्यहाका स्थानीय नेवार र छिमेकी तामाङ्ग समुदायबाट बनाइेको तर त्यहा बस्ने अवसर कहिल्यै, नेवार र तमाङग समुदायले नपाएको प्रसँग उल्लेख गर्दै, यो हुनुमा जनजातिको कमजोरी होइन राज्यको निती कमजोरी भएको दावी गरे ।  उक्त भेला नेपाली समाज रोमका अध्यक्ष देव गुरुङ्गको सभापतित्वमा भएको थियो भने भेलामा सहभागीहरूलाई हरि लामाले स्वागत गरेका थिए साथै कार्यक्रमको सन्चालन दौलत साम्बाले गरेका थिए।

समाचार

• उपत्यकाको सडकमा अख्तियारले छानविन गर्ने
• वागमतीमा पसे राजेश हमाल ! बाबुरामपछि रेग्मीको पालो
• गुटबन्दीविरुद्ध योजनाबद्ध संघर्ष गर्न एमालेलाई सुझाव
• हवाइ दुर्घटनासँगै वीमासम्बन्धी विवाद बढ्यो
• प्रेसमाथिको आक्रमण सह्य हुँदैनः सञ्चारमन्त्री