नबढ्ने भो दुर्गमका डाक्टरको तलब

१३ फागुन, काठमाण्डौं । स्वास्थ्य तथा जनसंख्या मन्त्रालयले दुर्गम क्षेत्रमा कार्यरत चिकित्सकको मासिक तलब दोब्बर बनाउन गरेको प्रस्ताव अर्थमन्त्रालयले अस्वीकार गरेको छ ।

मन्त्रालयले दुर्गममा कार्यरत चिकित्सकको स्तरवृद्धिका लागि मासिक तलब दोब्बर बनाउने प्रस्ताव अर्थमन्त्रालय पठाएको थियो । तर अर्थले ‘चिकित्सकको मात्रै मासिक तलब दोब्बर बनाउन नमिल्ने’ भन्दै प्रस्ताव अस्वीकार गरेको हो ।

स्वास्थ्य तथा जनसंख्या मन्त्रालयले दुर्गम क्षेत्रका चिकित्सकको मनोबल बढाउन एक महिनाअघि प्रस्ताव अर्थमन्त्रालयमा पेस गरेको थियो ।

मन्त्रालयले ‘चिकित्सककै स्तरवृद्धिका लागि’ भन्दै ४० करोड रुपैयाँ बजेटसमेत माग गरेको थियो । तर, अर्थले हालसम्म कुनै पनि जवाफ नदिएको स्वास्थ्यमन्त्रालयले जनाएको छ ।

स्वास्थ्य तथा जनसंख्यामन्त्री राजेन्द्र महतोले सरकारले ‘स्तरवृद्धिमा पहल नगरे केही बर्षभित्रै सरकारी स्वास्थ्य संस्थाबाट चिकित्सक पलायन हुने दाबी गरेको खबर राजधानी दैनिकले छापेको छ ।

समाचार

• पर्शुराम र गणेश लामालाई एमाले र फोरमको संरक्षण जारी
• लोकमानलाई अख्तियार प्रमुख मान्दैनौः ज्ञवाली
• काम गर्ने मान्छे नभएपछि बुढाबुढी सकी नसकी मेलामा
• बीच सडकमा भेटेको बच्चा देउता जस्तो : ट्रकचालक
• आदिवासी जनजातिलाई थ्रेसहोल्ड अस्वीकार्य