मन्त्रीको आदेशमा वनको जग्गा व्यक्तिको नाममा

१३ फागुन, काठमाण्डौं । भूमिसूधार तथा व्यवस्थामन्त्री टोपबहादुर रायमाझीको ठाडो आदेशमा कावासोतीस्थित सामुदायिक वनको ४७ हेक्टर जग्गा व्यक्तिको नाममा दर्ता गर्ने प्रयास भएको छ । विष्णुनगर सामुदायिक वन उपभोक्ता समितिले दुई दशकलेखि संरक्षण गर्दे आएको करिब दुई सय हेक्टर वन क्षेत्रमध्ये ४७ हेक्टर व्यक्तिका नाममा दर्ता भएको हो ।

मन्त्री रायमाझीको आदेशमा मालपोत र नापी कार्यालयले देवचुली गाविस विशलटारका बमबहादुर गाहामगरसहित ७८ जनाका नाममा उक्त जग्गा दर्ता गर्न प्रक्रिया अघि बढाएको हो । मन्त्री रायमाझी ले गत पुस ९ गते विभागमा पत्र लेखी ‘उक्त जग्गाको नापनक्सा र लगत सम्बन्धित निकायबाट झिकाई शीघ्र कारबाही अगाडी बढाउनु,’ भन्ने आदेश गरेका थिए । त्यसपछि नापी शाखा कार्यालय कावासोतीले माघ ८ र ९ गते सर्वेक्षक सन्तोष गैरे र अमिन रवीन्द्र अधिकारीलाई खटाई जग्गाको नक्सा तयार पारेकेा थियो ।

समुदायद्धारा तारबार गरी संरक्षित उक्त वनक्षेत्रलाई नापीद्धारा तयार पारिएको नक्सामा खाली चौर उल्लेख गरिएको छ । आफूहरुले लामो समयदेखि संरक्षण गरेको जंगलक्षेत्र नापी कार्यालयसमेतको मिलेमतोमा माफियाहरुले दर्ता गर्न लागेको भन्दै स्थानीय उपभोक्ताले विरोध गरेको खबर अन्नपूर्ण पोष्ट दैनिकमा खबर छ । उपभोक्ताले जग्गा दर्ता प्रक्रिया नरोकिए आन्दोलन गर्ने चेतावनी दिएका छन् ।

समाचार

• ट्राफिक प्रहरीले सडकमै देखाए ‘गङनम स्टायल’ (भिडियोसहित)
• कोइरालाले मागे खिलराजको राजीनामा
• खेलाडीले राजनीतिज्ञहरुलाई पछारेः प्रचण्ड
• झारफुक गर्दा बालकको मृत्यु, ‘पशुपति बाबा’ सहित पाँच पक्राउ
• बैशाख महिनामा २२७ वटा महिला हिंसाका घटना