मान्छे मरेपनि धमाधम टि्वट !

आखिर मान्छे मरेपछि उसको सबै चिज गयो । मान्छे मरेपछि उसको टि्वटर अकाउण्टको के अर्थ ? अब कहिल्यैपनि अपडेट नहुने अकाउण्ट पनि मान्छे मरेसँगै मरेजस्तै नै हो ।

तर, अब मान्छे मरेपनि उसको टि्वटर अकाउण्ट भने जिउँदै रहने भएको छ । मान्छेको मृत्युपछि पनि उसको अकाउण्ट मार्फत टि्वट्सको श्रृंखला रोकिने छैन । एउटा यस्तो एप्लिकेसन तयार भएको छ जसमार्फत अब टि्वटर प्रयोगकर्ताको मृत्युपछि पनि उसको तर्फबाट निरन्तर टि्वट्स भइरहनेछ, यो एप्सले प्रयोगकर्ताको मृत्युपछि पनि अनलाइनमा उसको उपस्थिति कायम राख्नेछ ।

यो एप्लिकेसनले प्रयोगकर्ताका अनलाइन बानी व्यहोराको जाँच गर्छ । उसले जिउँदै छँदा गर्ने गरेका वा मन पराउने गरेका टि्वट्सको अनुगमन गर्छ र प्रयोगकर्ताको मृत्युपछि पनि उसले मन पार्ने लिंक छानेर उसको तर्फबाट पोष्ट गरिदिन्छ ।

यसबाट मान्छेको जैविक इहलिला समाप्त भएपनि उसको डिजिटल जिन्दगी बाँचिरहन्छ । लाइभ्स अन नामको यो एप आउँदो मार्चमा लञ्च हुनेछ । यो एप्सको मुख्य नारा नै तपाइँको मुटु धडि्कन छाडोस् त के भो तपाइँको टि्वट्स जारी रहन्छ, भन्ने छ ।

समाचार

• गृहमन्त्रीको आश्वासनपछि पूर्वसभासद् हकको अन्त्येष्टि गर्न परिवार सहमत
• महतोको अनशनमा प्रहरी हस्तक्षेप, अस्पताल भर्ना
• रेग्मीको विरोधमा पापडको र्‍याली
• नेपाली काँग्रेसले समता दिवस मनाउँदै
• योजना आयोगको उपाध्यक्षमा शाक्य, सुकुम्बासी आयोग खारेज