माओवादीले चैतमा ‘भल्का’ अभियान चलाउने

१३ फागुन, काठमाडौं । नेकपा-माओवादी नेवाः राज्य समितिले काठमाडौँ उपत्यकाका तीन जिल्लालाई केन्दि्रत गरेर आगामी चैतको दोस्रो सातादेखि दोस्रो ‘भल्का’ अभियान सञ्चालन गर्ने भएको छ ।

नेवाः राज्य समितिको प्रथम पूर्ण बैठकले भक्तपुर, ललितपुर र काठमाडौँ जिल्लाका पहिलो अक्षरलाई मिलाएर ‘भल्का’ अभियान नाम दिइएको हो । अभियानअन्तर्गत उपत्यकाका जनतालाई राष्ट्रिय स्वाधीनता र आमूल परिवर्तनका लागि सशक्त रुपमा परिचालन गराउने माओवादीको लक्ष्य छ ।

यसअघि तत्कालिन नेकपा माओवादीले जनयुद्ध सञ्चालन गर्नुअघि भल्का अभियान सञ्चालन गरेको थियो । गाउँ, प्रतिष्ठान र क्याम्पसका जनशक्तिलाई जनआन्दोलनमा सक्रिय गराउनका लागि त्यस्तो अभियान ल्याउन लागिएको नेवाः राज्यका इन्चार्ज हितमान शाक्यले जानकारी दिनुभयो ।

बैठकमा महासचिव रामबहादुर थापाले सहरलाई अग्र र ग्रामीण इलाकालाई पृष्ठ भागमा राखेर जनविद्रोहको कार्यदिशालाई अघि बढाउनु पर्ने बताउनु भयो । उपत्यकाका लाखौँ जनतालाई आन्दोलनमा उतारेर सशक्त जनहस्तक्षेप परिचान गरिने बताउनुभयो ।

नेवाः राज्यका इन्चार्ज हितमान शाक्यले बैठकमा भौगोलिक एवम् गैरभौगोलिक सङ्गठनलाई व्यवस्थित गर्ने, काठमाडौँको शान्तिवाटिका र नयाँ बानेश्वरलाई केन्दि्रत गरेर हजारौँ मानिसलाई उतारिने योजना प्रस्तुत गर्नुभएको थियो । रासस

समाचार

• जाँच दिँदा शौचालय जानेलाई निगरानी !
• हिमाल आरोही ताइवानी नागरिकको मृत्यु
• सरकारसँग वार्ता गर्न सद्भावनाको अनसन स्थगित
• उपत्यकाको सडकमा अख्तियारले छानविन गर्ने
• गुटबन्दीविरुद्ध योजनाबद्ध संघर्ष गर्न एमालेलाई सुझाव