२३ फागुन, काठमाडौं । नेकपा माओावदी लगायतका साना दलले आयोजना गरेको नेपाल बन्दका कारण चार प्रमुख दलको शीर्ष बैठक बस्न सकेन ।
नेताहरुले आज सबै विषयमा टुंगो लाग्ने दाबी गरेका थिए । तर, बुधबार बन्दका कारण बैठक बस्न नसकेपछि विहीबार बिहानलाई सारिएको छ ।
चार दलका नेताले बुधबार बस्ने शीर्ष बैठकले रेग्मी नेतृत्वको सरकार चुनावी सरकार गठनबारे अन्तिम टुंगो लगाउने दाबी गरेका थिए । तर, बन्दका कारण नेताहरु बुधबार साँझसम्म भेला हुन सकेनन् । अर्को बैठक विहीबार विहान ८ बजे बोलाइएको स्रोतले बतायो ।