पूर्वमन्त्रीद्धारा जेलबाटै ज्यान मार्ने धम्की

२४ फागुन, काठमाण्डौं । अपहरणको आरोपमा डिल्लीबजार जेलमा रहेका पूर्वमन्त्री एवं नेपाल सद्घावना पार्टी (नन्दीदेवी) का नेता श्यामसुन्दर गुप्ताले जेलबाटै ज्यान मार्ने धम्की दिएको आरोप उनकै पार्टीका दुई केन्द्रीय नेताहरुले लगाएका छन् । पार्टी महासचिव रंगीलाल लोधीले बुधबार एक विज्ञप्ति जारी गरेर आफू र केन्द्रीय सलस्य मानबहादुर अधिकारीलाई जेलकै नम्बरबाट पटक पटक ज्यान मार्ने धम्की आएको आरोप लगाउनुभयो । जेलबाटै यस्तो धम्की आएपछि आफूहरु असुरक्षित भएको समेत विज्ञप्तिमा उल्लेख छ ।

अपहरण तथा शरीर बन्धक मुद्दामा गुप्ता जेल परेपछि प्रायः ठप्प भएका पार्टी गतिविधि अघि बढाउन बहुमत केन्द्रीय पदाधिकारीले राष्ट्रिय उपाध्यक्ष ठाकुरप्रसाद यादबलाई कार्यबाहक अध्यक्ष बनाउने निर्णय गरेको थियो । त्यही निर्णयबाट असन्तुष्ट बनेका गुप्ताले सबै पदाधिकारीलाई जेलबाटै फोन गरेर धम्क्याउने गरेको महासचिव लोधिले बताउनुभयो ।

‘जेलको फोन नम्बर ४४२३०१८ बाट गुप्ताले आफूहरुलाई पटक पटक अपहरण तथा ज्यानमार्ने धम्की दिँदै आएका छन्,’ लोधीले भन्नुभयो ‘गुप्तापुत्र डा. भाष्कर गुप्ताले ९८४९३६३१०९ नम्बरबाट यही फागुन २० गते आफ्नो नम्बर ९८४७०३१७३७ र अधिकारीको नम्बर ९८४१९२३४६९ मा फोनगरी मार्नका लागि खोजिरहेको भन्दै धम्की आएपछि आफूहरु भूमिगत अवस्थामा रहेको छौ’ लोधीको भनाईसहित बिहीबारको गोरखापत्र दैनिकमा खबर छ ।

उहाँले कलडिटेलका आधारमा गुप्तालाई कारबाही गर्न पनि सरकारसँग माग गर्नुभएको छ ।

नाम (अनिवार्य)

इमेल (अनिवार्य) (गोप्य राखिनेछ)

वेबसाइट

प्रतिक्रिया

रद्द गर्नुहोस्

समाचार

• उर्मिला अर्याललाई ओलीको प्रश्न-जति खाँदा पनि पुगेन ?
• राप्रपा र राजपाको महाधिवेशनः आलोपालो नेतृत्व अस्वीकार
• यो हो पश्चिम नेपाल (फोटोफिचर)
• एक चक्र भएका कृष्ण पहाडी अब उपन्यासकार
• थ्रेसहोल्डको अडान छाड्दैनौं : कांग्रेस-एमाले