न्यायपालिका र कार्यपालिका प्रमुख एकै व्यक्ति हुँदैन : पोखरेल

२४ फागुन, विराटनगर । नेकपा एमालेका महासचिव ईश्वर पोखरेलले न्यायपालिका र कार्यपालिकामा एउटै व्यक्ति प्रमुख हुन नहुने बताउनुभएको छ । पोखरेलले सबैलाई मान्य हुने विकल्पमा सहमति गरी राजनीतिक दलको नेतृत्वमा सरकार गठन गरेर मुलुकलाई निकास दिनुपर्ने बताउनुभयो ।

विहीवार मोरङको विराटनगरमा आयोजित कार्यक्रममा पोखरेलले वर्तमान सरकारले राजनीतिक, संवैधानिक र नैतिक आधार गुमाएकाले यसको विस्थापन गर्न देशको सम्पूर्ण राजनीतिक दलहरुले चाहेको बताउनुभयो । उहाँले राजनीतिक दलको सहमतिमा नै एमालेले काँग्रेसको नेतृत्वमा चुनावी सरकार चाहेको बताउँदै एमाओवादीको पासोमा दलका नेताहरु फसिरहेको बताउनुभयो ।

महासचिव पोखरेलले एमाओवादीको सत्ता कब्जाको बाधक न्यायालय र नेपाली सेना रहेकामा अहिले पूर्ण योजना त्यसअनुरुप नै कार्य भइरहेको बताउनुभयो ।रासस

समाचार

• काम गर्ने मान्छे नभएपछि बुढाबुढी सकी नसकी मेलामा
• निर्वाचन ऐनका विषयमा काँग्रेस र एमालेको छलफल जारी
• अमर लामाको हत्या एमाओवादीले गरेको होइनः प्रचण्ड
• सदरुल हत्या प्रकरणमा छानविन समिति गठन
• बहुमत ल्याउने भन्दै एमाले चुनावी अभियानमा