मध्यरातमा छोराछोरीकै अगाडि श्रीमतीको हत्या

२४ फाल्गुन, भैरहवा । रुपन्देहीको पडसरी गाविस-७, गंगापुरका एक पुरुषले आफ्नै श्रीमतीलाई मध्यरातमा छोराछोरीकै अगाडि खुर्पाले काटेर हत्या गरेका छन् । स्थानीय वीरेन्द्र पासीले श्रीमती ३१ बर्षीया शुसिला पासीको हत्या गरेको प्रहरीले जनाएको छ । 

श्रीमान् विरेन्द्र पासीले आफ्नो श्रीमती पर पुरुष संग सम्बन्ध रहेको भन्दै हत्या गरेको प्रहरीसमक्ष बताएका छन् । शुशीला वीरेन्द्रकी कान्छी श्रीमती हुन् । हत्याका प्रत्यक्षदर्शी ९ बर्षीया छोरी पुष्पादेवी र ७ बषीय छोरा संदीपले आमाको हत्या आफूहरुकै अगाडि भएको सञ्चारकर्मीलाई बताए ।

पासीका छिमेकी कृष्ण भण्डारीले राति शुशीलाले गुहार मागेपछि घरमा पुग्दा वीरेन्द्रले हत्या गरी ढोकामा धरिलो हतियार लिएर बसेको सञ्चारकर्मीलाई बताए ।

सुशीलाको शव पोष्टमार्टमका लागि भैरहवाको भीम अस्पतालमा पठाइएको जिल्ला प्रहरी कार्यालय रुपन्देहीका एसपी हरिबहादुर पालले बताएका छन् ।

समाचार

• चुनावको मिति घोषणा गर्न माग गर्दै तराई बन्द
• उच्चस्तरीय राजनीतिक समिति र सरकारबीचको छलफल जारी
• बर्षाले सडक बगाएपछि यातायात सेवा अवरुद्ध
• भारतीय कांग्रेसका नेतामाथि माओवादी आक्रमण, १६ को मृत्यु
• गणेश लामा पक्राउ परेको पारिवारिक दाबी, प्रहरीद्वारा अस्वीकार