भारतीय सैन्य अधिकारीहरु नेपाल भित्रिँदै

२४ फागुन, काठमाडौं । महाशिवरात्री तथा सेना दिवसको अबसरमा हुने सैनिक समारोहमा भाग दिन भारतीय पूर्व सेनाध्यक्षहरु काठमाडौं आउने क्रम सुरु भएको छ ।

पूर्व स्थल सेनाध्यक्ष शंकर राय चौधरी बिहीबार काठमाडौं आइपुग्नु भएको छ । पूर्व स्थल सेनाध्यक्षद्वय सनथ फ्रान्सिस रोडि्रग्स र दीपक कपुर भोलि शुक्रबार आउने कार्यक्रम रहेको सैनिक जनसम्पर्क निर्देशनालयले जनाएको छ ।

पूर्व सेनाध्यक्षहरुले फागुन २८ गते प्रधानसेनापति गौरव शम्शेर ज.ब.रा.संग भेट गर्ने बताइएको छ । भारतीय पूर्व स्थल सेनाध्यक्षहरु सेना दिवसको अवसरमा आयोजना गरिने विविध कार्यक्रमहरुमा सहभागी हुनुको साथै विभिन्न पुरातात्विक तथा धार्मिक महत्वका स्थानहरुको भ्रमण गर्ने कार्यक्रम छ ।

तीनै पूर्व सेनाध्यक्षले आफ्नो कार्यकालमा नेपाली सेनाको मानार्थ महारथीको दज्र्यानी चिन्ह पाउनु भएको थियो ।

समाचार

• ट्राफिक प्रहरीले सडकमै देखाए ‘गङनम स्टायल’ (भिडियोसहित)
• कोइरालाले मागे खिलराजको राजीनामा
• खेलाडीले राजनीतिज्ञहरुलाई पछारेः प्रचण्ड
• झारफुक गर्दा बालकको मृत्यु, ‘पशुपति बाबा’ सहित पाँच पक्राउ
• बैशाख महिनामा २२७ वटा महिला हिंसाका घटना