राष्ट्रिय फुलकन्ट्याक्ट कराते भोलिदेखि

२४ फागुन, काठमाडौं । नेपाल क्योकुसिन कराते डो संघको आयोजनामा १७ औं पुरुष तथा १० औं महिला तौलसमूह राष्ट्रिय फुलकन्ट्याक्ट कराते प्रतियोगिता शुक्रबारदेखि राष्ट्रिय खेलकुद परिषद् (राखेप) को कभर्डहलमा सुरु हुँदैछ ।

त्यसमा पाँच विकास क्षेत्रका ४६ खेलाडीले तीन स्पर्धामा प्रतिस्पर्धा गर्ने आयोजकका महासचिव एवं व्रान्च चिफ रामजीप्रसाद वज्राचार्यले जनाएका छन् । पुरुष खुलामा २४ तथा महिलाको ५५ केजीमुनिमा २२ र खुला तौलसमूहमा १० खेलाडी प्रतिस्पर्धा गर्नेछन् ।

पुरुषमा शीर्ष तीन स्थान हात पार्नेले क्रमशः ३० हजार, १५ हजार र ७ हजार ५ सय नगद पुरस्कार पाउनेछन् । चौथोले ३ हजार ५ सय नगद पुरस्कार हात पर्नेछ । महिलाको दुवै स्पर्धामा पहिलो हुनेले १० हजार, दोश्रोले ५ हजार, तेश्रोले २ हजार ५ सय र चौथोले १ हजार २ सय ५० रुपैयाँ प्राप्त गर्नेछन् ।

दुईदिने प्रतियोगिताको तयारी पूरा भएको आयोजकका अध्यक्ष सिहान जगतप्रसाद गौचनले बताए ।

समाचार

• मधेसका तीन ‘मसिहा’ भिन्नै मोर्चाको तयारीमा
• कोइराला पक्षले भन्यो- ‘यस्तै हो भने देउवालाई दिए हुन्छ’
• बुद्धको प्रतिमा बनाउन एनआरएनद्वारा एक करोड सहयोग
• चुनाववाट एमाले पहिलो पार्टी बन्छ : खनाल
• सरकार र सद्भावनाबीच वार्ता स्थगित