अब शिक्षकले बन्दुक राख्न पाउने !

२६ फागुन, काठमाडौं । अमेरिकी राज्य साउथ डकोटाका स्कुलका शिक्षकहरुले अब बन्दुक राख्न पाउने भएका छन् ।

बन्दुकको लाइसेन्ससँग जोडिएको कानुनलाई कडा बनाउन हृवाइट हाउसमा छलफल चलिरहेका बेला साउथ डकोटामा शिक्षकहरुलाई बन्दुक राख्ने अनुमति दिइएको एक कानुन पारित भएको हो । यसले स्कुलमा हुने आक्रमणबाट बच्न मद्दत गर्ने यस कानुनका समर्थकहरु बताउँछन् ।

कानुन अनुसार आफ्ना शिक्षकहरुलाई बन्दुक राख्न दिने नदिने निर्णय गर्ने अधिकार भने स्कूललाई हुन्छ । यो कानुन जुलाईबाट लागू हुने बीबीसीले जनाएको छ ।

रिपब्लिकन पार्टीले बनाएको यो कानुनअनुसार हरेक स्कुलमा केही शिक्षकलाई पहरेदारका रुपमा चुनिनेछ र उनीहरुलाई बन्दुक चलाउने प्रशिक्षण समेत दिइनेछ ।

पछिल्लो दिनमा अमेरिकामा सार्वजनिक स्थल वा स्कुलमा बन्दुकधारीले आक्रमण गर्ने घटना बढेको छ । तर, थुप्रै स्कुलका अधिकारीहरुले भने बुन्दुक राख्न दिने कानुनको विरोधमा आवाज समेत उठाएका छन् ।

समाचार

• अमर लामाको हत्या एमाओवादीले गरेको होइनः प्रचण्ड
• सदरुल हत्या प्रकरणमा छानविन समिति गठन
• बहुमत ल्याउने भन्दै एमाले चुनावी अभियानमा
• काँग्रेस नेपालको ‘नम्बर वान’ पार्टी : थापा
• वार्ता असफल भएपछि राजेन्द्र महतो आमरण अनशनमा