तीन श्रीमती विवाह गर्ने ओखेडा पक्राउ

३० फागुन, कञ्चनपुर । तीन श्रीमती विवाह गर्ने कञ्चनपुरको दैजी- ५ चौरीका २५ वर्षीय सुरेन्द्र ओखेडालाई नयाँ श्रीमतीसहित प्रहरीले बुधवार पक्राउ गरेको छ । ओखेडासहित उनकी नयाँ श्रीमती सारदा दमाईलाई इलाका प्रहरी कार्यालय झलारीले घरबाटै पक्राउ गरेको हो ।

ओखेडाले फागुन २० गते सारदालाई ललाइफकाइ घरबाट भगाएका थिए । पछि उनी घर आएका बेला दुवै जनालाई युवतीका अभिभावकको उजुरीका आधारमा पक्राउ गरिएको इलाका प्रहरी कार्यालयका प्रहरी सहायक निरीक्षक विसनसिं धानुकले बताउनुभयो । ओखेडाको घरमा यसअघिका दुई श्रीमती रहेका छन् । दुवै श्रीमतीबाट दुई छोरा छोरी रहेका छन् । घरमा रहेकी दुवै श्रीमती सहोदर दिदी बहिनी हुन् । घरमा रहेका श्रीमतीहरुले श्रीमान्ले तेस्रो विवाह गरेको जानकारी पाउनासाथ छोराछोरी लिएर डडेल्धुराको जोगबुढामा रहेको माइतीमा रहेका बेला पक्राउ परेका ओखेडाले बताए ।

माया बसेरनै तेस्रो विवाह गर्नु परेको उनको भनाइ छ । प्रहरी सहायक निरीक्षक धानुकले नयाँ विवाह गर्ने केटाकेटी पक्षका र घरमा रहेका दुवै श्रीमतीको छलफलका आधारमा कारबाही गर्ने वा के गर्ने भन्ने विषयमा टुङ्गो लगाइने बताउनुभयो । रासस

नाम (अनिवार्य)

इमेल (अनिवार्य) (गोप्य राखिनेछ)

वेबसाइट

प्रतिक्रिया

रद्द गर्नुहोस्

समाचार

• मधेसका तीन ‘मसिहा’ भिन्नै मोर्चाको तयारीमा
• कोइराला पक्षले भन्यो- ‘यस्तै हो भने देउवालाई दिए हुन्छ’
• बुद्धको प्रतिमा बनाउन एनआरएनद्वारा एक करोड सहयोग
• चुनाववाट एमाले पहिलो पार्टी बन्छ : खनाल
• सरकार र सद्भावनाबीच वार्ता स्थगित