आइतबारदेखि राष्ट्रिय जलसप्ताह

२ चैत, काठमाण्डौं । स्वच्छ पानीको विशेष पक्षमा जोड दिँदै यही चैत ४ गतेदेखि १० गतेसम्म ‘नेपाल राष्ट्रय जलसप्ताह-२०६९’ मनाइने भएको छ । जलसप्ताह आयोजक समितिले गरेको पत्रकार सम्मेलनमा विश्व पानी दिवसको अवसरमा पानीसँग सम्बन्धित विविध सरोकारका विषयलाई नीति निर्माण तहसम्म पुर्‍याउन र यससँग सम्बन्धित मुद्दाहरूलाई उठाउन सो सप्ताह मनाउन लागिएको जानकारी दिइएको हो ।

जल तथा ऊर्जा मन्त्रालयका सचिव एवम् आयोजक समितिका अध्यक्ष विश्वप्रकाश पण्डितले स्वच्छ पानीको महत्वका बारेमा सचेतना फैलाउँदै यसको दिगो व्यवस्थापनका लागि वकालत गर्नु र यसको चुनौती तथा फाइदाहरूका बारेमा सचेतना फैलाउने उद्देश्य रहेको बताउनुभयो ।

स्वच्छ पानीको दिगो व्यवस्थापनको वकालत गर्न सन् १९९२ मा वातावरण र विकाससम्बन्धी संयुक्त राष्ट्र सम्मेलनले सिफारिस गरे अनुसार सन् १९९३ देखि हरेक वर्षर् मार्च २२ का दिन विश्व पानी दिवस मनाइने गरेको छ ।

‘पानी पानी त्यहाँ त्यहाँ, साझेदारी जहाँ जहाँ’ भन्ने मूल नाराका साथ मनाउन लागिएको जलसप्ताह सहरी क्षेत्रका पानीजन्य समस्याहरू तथा नेपालको जलस्रोतहरूको दिगो व्यवस्थापनको बारे चेतना जगाउने, सर्वसाधारण तथा स्कुल तथा कलेजका विद्यार्थीहरूमा पानीको गुणस्तर र यससँग सम्बन्धित प्रसङ्गहरूको बारेमा चेतना फैलाउने तथा क्षमता अभिवृद्धि गर्ने उद्देश्य रहेको आयोजक समितिका उपाध्यक्ष महेन्द्रबहादुर गुरुङले जानकारी दिनुभयो । रासस

नाम (अनिवार्य)

इमेल (अनिवार्य) (गोप्य राखिनेछ)

वेबसाइट

प्रतिक्रिया

रद्द गर्नुहोस्

समाचार

• मधेसका तीन ‘मसिहा’ भिन्नै मोर्चाको तयारीमा
• कोइराला पक्षले भन्यो- ‘यस्तै हो भने देउवालाई दिए हुन्छ’
• बुद्धको प्रतिमा बनाउन एनआरएनद्वारा एक करोड सहयोग
• चुनाववाट एमाले पहिलो पार्टी बन्छ : खनाल
• सरकार र सद्भावनाबीच वार्ता स्थगित