सिरियाको हतियार भण्डार विद्रोहीको कब्जामा

४ चैत, बेरुत । सिरियाको आलेप्पो प्रान्तमा रहेको सरकारी शस्त्रभण्डार त्यहाँको विद्रोहीले आफ्नो कब्जा लिइएको समाचारमा जनाइएको छ ।

सिरियाको आलेप्पोमा चार दिनसम्म सरकारी सैनिक र विद्रोही बीचको भएको भीषण झडपपछि सो शस्त्रभण्डार कब्जा गरिएको विद्रोही सैनिक स्रोतले एएफपी समाचार समितिलाई आइतबार जनाएका छन् । सिरियाको दक्षिणी भागमा पर्ने आलेप्पो प्रान्तको खान तोमान गाउँमा सो सरकारी हातहतियार कब्जामा लिइएको जनाइएको छ । सो हातियार कब्जाको सिरियन अब्जरभेटरी फर हृयुमन राइट्सले पनि पुष्टि गरेको छ ।

सिरियाली आन्दोलन गत शुक्रबारदेखि तीन वर्षमा प्रवेश गरेको छ । सो आन्दोलनका क्रममा ७० हजारभन्दा बढी नागरिकले ज्यान गुमाएको मानव अधिकारवादीहरूले जनाएका छन् । साथै कयौं नागरिकले यो अवधिमा सिरियाली सरकारको दमन सहेका छन् । मानवअधिकारवादीका अनुसार आन्दोलनका क्रममा हजारौँ नागरिक घाइते भएका छन् र अरु कयौँ बेपत्ता बनाइएका छन् ।

हराउने र बेपत्ता हुने नागरिकको वास्तविक तथ्याङ्क नै नरहेको उनीहरुको भनाइ छ । राष्ट्रपति बसार अल असादको राजिनामाको माग गर्दै सुरु भएको सो आन्दोलन तीन वर्षमा प्रवेश गरिसक्दा पनि यसको शान्तिपूर्ण समाधानको कुनै विकल्प भने अहिलेसम्म पनि देखिएको छैन । यसप्रति विश्वका नेताहरु थप चिन्तित बनेको समाचारमा जनाइएको छ ।

राष्ट्रपतिको राजिनामाको मागगर्दै आएको भएपनि आफूले राजिनामा नदिने र सत्ता पनि नछोड्ने अडानमा असाद रही आउनुभएको छ । यसले गर्दा सिरियामा प्रतिदिन समस्या थपिँदै गएको छ । रासस/एएफपी

समाचार

• जाँच दिँदा शौचालय जानेलाई निगरानी !
• हिमाल आरोही ताइवानी नागरिकको मृत्यु
• सरकारसँग वार्ता गर्न सद्भावनाको अनसन स्थगित
• उपत्यकाको सडकमा अख्तियारले छानविन गर्ने
• गुटबन्दीविरुद्ध योजनाबद्ध संघर्ष गर्न एमालेलाई सुझाव