एप्पलभन्दा गुगल निकै अघि

गुगलको शेयरमा वृद्धि भैरहेको बेला एप्पलको शेयरमा धमाधम कमी आएको छ । यो सँगै सूचना प्रविधि क्षेत्रका यी दुइ दिग्गज कम्पनीको विषयलाई लिएर विश्लेषकहरुको धारणामा पनि व्यापक परिवर्तन आउन थालेको छ । आइफोन तथा आइप्याडको धमाकेदार बिक्रीपछि केही समय पहिले एप्पलको शेयर भाउ उकालो लाग्न थालेपछि विश्लेषकहरु एप्पलको पक्षमा होमिए । तर एप्पलको शेयर भाउ एकाएक गिर्न थाल्यो । त्यसपछि विश्लेषकको रोजाइ पनि परिवर्तन हुन थाल्यो ।

गत मार्च पाँच मा एप्पलको शेयरमा यो वर्षकै सबैभन्दा बढि गिरावट भयो । त्यसपछि त्यसमा केही सुधार देखियो । साथै कम्पनीको पछिल्लो ६ महिनाको बजार मूल्यमा ५० प्रतिशतले गिरवाट पनि भयो ।

एप्पलमाथि खतराको घण्टी बजिरहेको समयमा अर्को कम्पनी गुगलको शेयर भने झण्डै दोश्रो अंकको वृद्धितर्फ अघि बढिरहेको छ । मार्चको सूरमा आफ्नो सर्वाधिक उचाइँमा पुगेको गुगलको शेयर मुल्य त्यसयता पनि खासै घटेको छैन ।

प्रविधि विश्लेाष्क कोलिन गिलिसका अनुसार गुगलको चढाइ एप्पललाई ऐना देखाउनु जस्तै हो । विश्लेषकहरुका अनुसार रहस्यमय रुपमा अघि बढ्नु एप्पलका लागि विगतमा फापेको विषय थियो, तर अब त्यो फर्मूलाले काम गर्न छाडिसकेको छ ।

खासगरी आफ्ना उत्पादन महंगो हुनु, बढि विशिष्टीकृृत हुनु तथा सामसुङ जस्ता कम्पनीले दह्रो चुनौति पेश गर्नु एप्पलका लागि मुख्य चुनौति हो । तर गुगलका लागि भने मुनाफा र चर्चाका लागि अनेक विषय छन् । गुगलसँग ज्ञानको भण्डार रहेकाले यसले कहिल्यैपनि घाटा बेहोर्नु नपर्ने तर्क विश्लेषकहरुको छ ।

गुगलले सफट्वेयरमा मात्र होइन हार्डवेयरमा पनि नयाँनयाँ प्रयोग गरिरहेको छ । पछिल्लो समय उसको अनौठो चश्माको चर्चा पनि चुलिएको छ ।

समाचार

• उपत्यकाको सडकमा अख्तियारले छानविन गर्ने
• वागमतीमा पसे राजेश हमाल ! बाबुरामपछि रेग्मीको पालो
• गुटबन्दीविरुद्ध योजनाबद्ध संघर्ष गर्न एमालेलाई सुझाव
• हवाइ दुर्घटनासँगै वीमासम्बन्धी विवाद बढ्यो
• प्रेसमाथिको आक्रमण सह्य हुँदैनः सञ्चारमन्त्री