Space for Advertisment

सुखमय सहबासका लागि……..

पार्टनरसँग हरेक दिन सेक्स नगर्दा पार्टनरसँगको दूरी बढ्छ भन्ने सोँचाइ धेरैको हुन्छ । धेरै महिलालाई आफ्नो श्रीमानलाई भरपूर यौन सन्तुष्टी दिन नसकेकोमा पछुतो हुने गरेको विभिन्न अध्ययनले देखाएका छन् भने यस्तो कुण्ठाबाट पुरुषहरु पनि अछुतो रहँदैनन् । अझ कतिपय अवस्थामा सेक्सको विषयमा भएका विभिन्न खालका मनगढन्ते तथा भ्रामक मान्यता वा विश्वासका कारण पनि यौन जिवन बिथोलिरहेको हुन्छ र मान्छेले विनाकारण तनाव भोगिरहेको हुन्छ ।

सेक्सका लागि सधै मूड ठीक नहुन पनि सक्छ । यदि महिला वा पुरुषमध्ये जो कोहीलाई पनि सेक्सका लागि उपलब्ध समयमध्ये १५ प्रतिशत समयमा सम्भोगका लागि रुची नै जाग्दैन भने पनि त्यो कुनै नराम्रो कुरा होइन । यौन मनोविज्ञहरुका अनुसार थोरै समयमात्र सेक्समा रुची नजाग्ने यस्तो प्रवृत्ति सबैजसोको हुन्छ । यदि यस्तो भयो भने आफ्नो मूडलाई ठीक ठाउँमा ल्याउन सम्भोगको समय तथा पाक्क्रिडा लगायतमा ध्यान दिनुपर्छ । यौन जिवनमा उर्जा भर्नका लागि पार्टनरको मनोभावना वा सेक्सको बारेको सोँचाइ र इच्छालाई ध्यानमा राख्नुपर्छ । यौन विज्ञहरुका अनुसार सेक्सको आसनमा परिवर्तन गर्ने, घरभित्रका पनि विभिन्न नयाँनयाँ ठाउँमा सहबास ‘ट्राइ’ गर्ने तथा श्रीमान श्रीमती सँगै बसेर पोर्न भिडियो हेरेर पनि सेक्सका लागि मूड तयार पार्न सकिन्छ ।

यौन जिवनलाई पनि आफ्नो अन्य जिवनशैलीका नियमित क्रियाकलापजस्तै समयबद्ध तथा व्यवस्थित बनाउनुपर्छ । पार्टनरसँग यौनक्रिडाको विषयलाई लथालिंग वा अव्यवस्थित बनाउनु हुँदैन । रोमाञ्चक यौन जिवनका लागि सहबासको योजना वा प्याकेज नै बनाउनुपर्छ र सोही सेड्युल फलो गर्नुपर्छ । यद्यपि त्यस्तो प्याकेज समय समयमा परिवर्तन गरिरहनुपर्छ ।

श्रीमान श्रीमतीबीच हप्तामा कम्तिमा पनि ३ पटक सेक्स हुनुपर्छ, यदि भएन भने यौन जिवनमा खटपट आउँछ भन्ने गलत मान्यता छ । तर साँचो के हो भने कतिपटक सेक्स गरियो भन्दा पनि कसरी वा कति सुखपूर्ण तरिकाले सम्भोग गरियो भन्ने कुराले अर्थ राख्छ । सहबासमा दुबैजनाले यौनसुख प्राप्त गर्ने र तनाव भगाउने अस्त्रको रुपमा लिन सक्नेहो भने लामो समय अन्तरालमा सेक्स दोहोराएमा पनि त्यसले कुनै असर पार्दैन । यद्यपि लामो समयसम्म सम्भोग नगर्दा उत्पन्न हुनसक्ने आपसी शंकालाई भगाउन भने चनाखो हुनुपर्छ ।