बैद्य माओवादीलाई निर्वाचनमा भाग लिन राजदूतको आग्रह

७ चैत, काठमाडौं । नेपालस्थित कूटनीतिक नियोगका प्रमुखले नेकपा-माओवादीलाई निर्वाचनमा भाग लिन आग्रह गरेका छन् ।

माओवादी अन्तर्राष्ट्रिय विभागले गरेको छलफलमा सहभागी विभिन्न देशका राजदूतले संविधानसभाको निर्वाचन बहिष्कार नगरी निर्वाचनमा भाग लिन आग्रह गरेका हुन् ।छलफलपछि माओवादीका उपाध्यक्ष एवम् अन्तर्राष्ट्रिय विभाग प्रमुख सिपी गजुरेलले राजदूतहरूले निर्वाचनमा जान आफूहरूलाई आग्रह गरे पनि वर्तमान सरकारले गराउने चुनावमा आफूहरू सहभागी नहुने स्पष्ट पारिएको बताउनुभयो । उहाँले भन्नुभयो- ” विघटित संविधानसभामा रहेका २४ दलको सहमतिबिना तीन दल र मधेसी मोर्चाले गरेको बाधा अड्काउ फुकाउ प्रक्रिया, ११ बुँदे सहमतिको खारेजी र वर्तमान सरकारको विघटन गरी दलभित्रैबाट चुनावी सरकार गठन भएमा मात्रै हामीले निर्वाचनमा भाग लिन्छौंँ भन्ने कुरा उहाँहरूसँग राख्यौं । “

जनताले आफ्नो अभिमत व्यक्त गर्ने एक मात्रै माध्यम निर्वाचन भएकाले त्यसमा सहभागी हुन आग्रह गरिए पनि कस्तो चुनाव र कसको नेतृत्वमा हुने चुनाव भन्ने नेपालका दलले आफैँ निर्धारण गर्नुपर्ने धारणा बैठकमा सहभागी राजदूतले राखेको नेता गजुरेलले जानकारी दिनुभयो ।उहाँले भन्नुभयो-”राष्ट्र र जनताको आवश्यकताअनुसार चुनावमा भाग लिन पनि सकिने वा नलिन सकिने नीति पार्टीले लिएको छ तर अहिले चार पक्षको सहमतिमा भएको सरकारले गर्न लागेको निर्वाचन नौटङ्की मात्रै भएकाले यसमा सहभागी हुन्नौं । “

उहाँले विघटित संविधानसभामा रहेका ९१ सभासद् आफ्नो पार्टीमा रहेको जानकारी राजदूतलाई दिँदै आफ्नो पार्टीलाई बेवास्ता गर्दै चार शक्ति अगाडि बढेको भन्दै आपत्ति जनाउनुभएको थियो ।

छलफलमा चीन, नर्वे, अस्ट्रेलिया, फिनल्यान्ड, रुस, इजरायल, युरोपेली सङ्घ, जापान, गणतन्त्र कोरिया, प्रजग कोरिया लगायत १५ भन्दा बढी देश र सङ्घका राजदुत सहभागी थिए । छलफलमा भारतीय राजदूतावासका प्रतिनिधिका रुपमा द्वितीय सचिवको सहभागिता रहे पनि संयुक्त राज्य अमेरीकाको राजदूतावासबाट भने कोही सहभागी थिएनन् ।

नाम (अनिवार्य)

इमेल (अनिवार्य) (गोप्य राखिनेछ)

वेबसाइट

प्रतिक्रिया

रद्द गर्नुहोस्

समाचार

• निर्वाचन अब कसैले रोकेर रोकिन्न : खनाल
• स्वागत नेपालको ‘मातृ संभोग’ पछि जिगोलो
• कथा – बले बौलाएछ
• राप्रपा र राजपाको एकता महाधिवेशन जारी
• १२ दलका नेता र रेग्मीवीच सिंहदरबारमा वार्ता