अमेरिकामा नेपालीको आन्मा-नासा सम्मेलन तयारी
राजेश कोइराला
वासिङटन डिसी । अमेरिकाको मध्य-पश्चिम र दक्षिण-पूर्वी राज्यमा बस्ने नेपालीहरूले सम्मेलन तयारीमा जुटेका छन् । यस क्षेत्रका नेपालीहरूका दुई ठूला संगठन छन्, एसोसिएसन अफ नेप्लिज इन मिड-वेस्ट अमेरिका (आन्मा) र नेप्लिज एसोसिएसन इन साउद-इस्ट अमेरिका (नासा) ।
आन्मा र नासाले गर्दै आएको संयुक्त सम्मेलन यस वर्ष साउथ क्यारोलाइनामा गर्ने भएको छ । आन्मा-नासाको ९ औं सम्मेलन अगस्त ३० देखि सेप्टेम्बर १ मा साउथ क्यारोलाइनाको ग्रिनवर्ग/स्पार्टनवर्गमा हुने भएको छ । यस वर्षको सम्मेलन गर्ने जिम्मेवारी साउथ क्यारोलाइना एसोसिएसन अफ नेप्लिज (स्क्यान)ले लिएको सम्मेलनका अध्यक्ष रामचन्द्र बरालले एक विज्ञप्ति जारी गर्दै जनाएका छन् । गत सालको सम्मेलन इन्डियाना राज्यको इन्डियाना-पोलिसमा भएको थियो ।
सन् १९८२ मा स्थापना भएको आन्मा र सन् १९९१ मा स्थापना भएको नासाको उक्त संयुक्त सम्मेलन अमेरिकी लेबर डे (सेप्टेम्बरको पहिलो सोमबार) मा सकिने गरी आयोजना गरिंदै आएको छ । आन्मा, संयुक्त राज्य अमेरिकाको मध्य-पश्चिममा बस्ने नेपालीहरूको संगठन हो । नासाले अमेरिकाका दश राज्य : फ्लोरिडा, जर्जिया, नर्थ क्यारोलाइना, साउथ क्यारोलाइना, टेन्नेसी, अलाबामा, मिसिसिपी, अर्कान्सास, लुजियाना र केन्टकीका नेपालीलाई समेट्छ ।
यसमा तपाइको मत
सम्बन्धित शीर्षकहरु
- बेलायतमा कांग्रेसको सम्मेलन एनआएनमय
- बर्लिन महोत्सवमा नेपाली दूतावासको पनि सहाभागिता
- बेलायतमा काठमाण्डौ- हेटौडा सुरुङमार्ग निर्माणवारे छलफल
- बेल्जियममा प्रतिनिधि काव्य यात्राको दोश्रो श्रृङ्खला सम्पन्न
- बझाङका बादी समुदायलाई जापानवाट एक लाख रूपैयाँ सहयोग
- एनआरएन कोरियाको अध्यक्षमा डाँगीको उम्मेदवारी
- लन्डनमा नेपाली सन्देश नयाँ आबरणमा आउने
- बेलायतमा नेपाल पुर्ब प्रहरी परिवार मञ्चको च्यारिटी
- श्रेष्ठका परिवारलाई सहयोग गर्न अपील
- हेल्प नेपालका लागि सिड्नीबाट ३५ लाख संकलन
