शुक्रबार, १० भदौ, २०७३
OnlineKhabar.com

गगन थापाले प्रचण्डको साटो पासाङसँग चुनाव लड्ने

अनलाइनखबर

१७ भदौ, काठमाडौं । एमाओवादी अध्यक्ष प्रचण्डसँग चुनाव लड्ने बताउँदै आउनुभएका नेपाली कांग्रेसका युवा नेता गगन थापा अन्ततः एमाओवादीका पूर्वसैन्य कमाण्डर नन्दकिशोर पुन (पासाङ) सँग चुनाव लड्ने लगभग निश्चित भएको छ । एमाओवादीले पासाङका लागि नाम सिफारिस गरेको काठमाडौं ४ नम्बर क्षेत्रमै कांग्रेस नेता थापाको पनि नाम सिफारिस भएको छ ।

gagan-with-pasangकांग्रेस नेता थापालाई आगामी संविधानसभा निर्वाचनमा काठमाडौं क्षेत्र नम्बर ४ बाट उम्मेदवार बनाउन पार्टीले सिफारिस गरेको हो । क्षेत्रीय समितिले थापासहित ३ जनाको नाम प्रत्यक्षतर्फको उम्मेदवारमा सिफारिस गरेको हो । थापासँगै महासमिति सदस्य चिरञ्जीवीनिधि तिवारी र क्षेत्रीय सभापति न्हुच्छेनारायण श्रेष्ठको नाम पनि सिफारिस भएको छ । स्रोतका अनुसार थापा उम्मेदवार बन्ने प्रवल सम्भावना छ ।

अघिल्लो निर्वाचनमा विजयी पूर्वसभासद सुप्रभा घिमिरेको नाम भने यसपटक समानुपातिकमा राखिएको छ । घिमिरेले भने समानुपातिकमा सभासद हुने पक्का नभए प्रत्यक्षमै उम्मेदवार बन्ने इच्छा देखाउनुभएको छ । यस्तै नेपाल सांस्कृतिक संघका कार्यवाहक अध्यक्ष राजु श्रेष्ठ, कर्माछेरिङ शेर्पा, आत्माराम पौडेल र अनार बस्नेतलाई पनि कांग्रेसले समानुपातिकमा सिफारिस गरेको छ ।

काठमाडौं क्षेत्र नं ४ मा एमाओवादीले पासाङको नाम सिफारिस गरेको छ । यद्यपि पासाङको नाम रोल्पा र दाङबाट पनि सिफारिस भएको एमाओवादी स्रोतले बताएको छ । गगन थापाका लागि छानिएको क्षेत्रमा एमालेबाट विद्या भण्डारीको नाम चर्चामा आएको छ । तर, स्थानीय नेता एवं काठमाडौंका एमाले अध्यक्ष निर्मल कुइँकेलको नाम पनि क्षेत्र नं ४ बाटै सिफारिसमा परेको एमाले स्रोत बताउँछ ।

काठमाडौं क्षेत्र नम्बर १ बाट महामन्त्री प्रकाशमान सिंहको मात्र नाम सिफारिस भएको छ भने २ र ३ बाट नाम आउन बाँकी छ । क्षेत्र नम्बर ५ बाट नरहरी आचार्य, क्षेत्रीय सभापति रेमश खड्का र समुन्द्र खड्काको नाम सिफारिस भएको छ ।

क्षेत्र नम्बर ६ बाट जिल्ला सभापति भिमसेनदास प्रधान, सपोज वानी र जीवन डंगोल को नाम सिफारिस भएको छ भने ७ को क्षेत्रीय बैठक हुन बाँकी छ । क्षेत्र नम्बर ८ बाट उम्मेदवारका लागि क्षेत्रीय सभापति मोहन बस्नेत, पूर्व सभासद नविन्द्रराज जोशी र पूर्व सभासद कृष्ण अमात्यको नाम सिफारिस भएको छ ।

क्षेत्र नम्बर ९ बाट तिर्थराम डंगोल र ध्यानगोविन्द रन्जितको नाम सिफरिस भएको छ भने क्षेत्र नम्बर १० बाट राजकुमार नकर्मी र राजन केसी र घनश्याम खड्काको ना सिफारिस भएको छ । क्षेत्रीय समितिबाट आएको नामलाई अन्तिम रुप दिएर केन्द्रमा पठाउन कांग्रेस काठमाडौं जिल्ला कार्यसमितिको बैठक १९ गते बोलाइएको छ ।

२०७० भदौ १७ गते ९:३७ मा प्रकाशित (२०७० भदौ १८ गते १:२७मा अद्यावधिक गरिएको)

अनलाइनखबरको एन्ड्रोइड एपका लागि यहाँ क्लिक गर्नुहोस् । तपाईं हामीसंग फेसबुकट्वीटरमार्फत् पनि जोडिन सक्नुहुन्छ ।
१८९ प्रतिकृयाहरू प्राप्त
  • Nepalko Choro लेख्नुहुन्छ    |   २०७० भदौ २५ गते १२:४४

    युवा नेताको रुपमा आयको प्रतेक युवा को मुखमा रहेको एक उत्कृस्ट नेता गगन थापा

    0
    0
    Share

    Reply

  • prem Basnet लेख्नुहुन्छ    |   २०७० भदौ २५ गते २०:३७

    manchhe herera bhot dine hoina sidanta bichar le ho ma ta gagan ko thau ma kukur comunist uthe pani kukurlai dinchhu tara congress lai didaina kinki congress mero sidanta hoina…….. bujhanu pareyo…..?

    0
    0
    Share

    Reply

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this