२० भदौ, काठमाडौं । एकीकृत नेकपा माओवादीसम्बद्ध अखिल क्रान्तिकारीका विभिन्न नेता आगामी संविधानसभा निर्वाचनका उम्मेदवार सिफारिस भएका छन् ।
क्रान्तिकारीले पत्रकार सम्मेलन गरेर मुलुकभर १५ निर्वाचन क्षेत्रमा आफ्ना नेताहरु उम्मेदवार सिफारिस भएको जनाएको हो । क्रान्तिकारीका अनुसार अध्यक्ष हिमाल शर्मा, जागृत रायमाझी, रमेश मल्ल, निशा साह, सन्दिप कुँवर, विन्दमान विष्ट, नरेन्द्र न्यौपाने, अनिल शर्मा, तेजकुमारी पौडेल, अइन्द्र वेघा र ललित घलानको नाम पार्टीले सिफारिस गरेको छ । त्यसैगरी रमेश धामी, गङ्गाराम तिमल्सेना, राजीव घिमिरे र मदन चुडालको पनि नाम प्रस्ताव गरिएको छ ।
अध्यक्ष शर्माले प्रत्येक निर्वाचन क्षेत्रमा कम्तिमा एक हजार ‘स्टुडेन्ट भोलेन्टीयर्स’को पूर्णकालीन टोली परिचालन गरिने बताउनुभयो । रासस
