OnlineKhabar.com

बाबुको स्मृतिमा गुरूकुललाई पाँच लाख दान

२०७० भदौ २१ गते ३:२२ मा प्रकाशित

२१ भदौ, इलाम । बाबुको मुख हेर्ने दिन पारेर इलाम नगरपालिका-२ का चन्द्र भट्टराई र दिव्या भट्टराई दम्पतीले बरबोटेमा रहेको सप्तमाई गुरूकुल वाङ्मय अध्ययन अनुसन्धान केन्द्रलाई पाँच लाख रुपैयाँ दान गर्नुभएको छ ।

एक कार्यक्रमबीच भट्टराई दम्पतीले केन्द्रलाई उक्त रकम बराबरको चेक हस्तान्तरण गर्नुभएको हो ।

कुशेऔंशीको अवसर पारेर उहाँहरूले आफ्ना स्वर्गीय बाबु धनपति भट्टराई र माता शान्ता भट्टराईको स्मृतिमा केन्द्रको भवन निर्माणका लागि उक्त रकम दिनुभएको हो ।

चार महिना अगाडि अध्ययन केन्द्रमा जानुभएका दानवीर चन्द्र भट्टराईले भाटाको टाटीले बारेर अध्ययन गरिरहेका संस्कृतका विद्यार्थीलाई देखेपछि आफूमा सहयोग गर्ने सोच आएको बताउनुभयो ।

कार्यक्रममा स्थानीय विकास अधिकारी सुमन घिमिरेले फोनबाट कुरा गरेपनि बाबुलाई भेट्न नपाएको भन्दै सम्झना स्वरुप केन्द्रलाई एक महिनाको तलब प्रदान गर्नुभयो ।

अनलाइनखबरको एन्ड्रोइड एपका लागि यहाँ क्लिक गर्नुहोस् । तपाईं हामीसंग फेसबुकट्वीटरमार्फत् पनि जोडिन सक्नुहुन्छ ।

यसमा तपाइको मत