बुधबार, १५ असार, २०७३
OnlineKhabar.com

कैलाश बैंकले नगद ९ र बोनस सेयर १० प्रतिशत दिने

अनलाइनखबर २०७० भदौ २१ गते ७:३९ मा प्रकाशित

२१ भदौ, काठमाडौं । कैलाश विकास बैंक लिमिटेडले गत आर्थिक वर्षको नाफाबाट सेयरधनीलाई ९ प्रतिशत नगद लाभांश र १० प्रतिशत बोनस सेयर दिने प्रस्ताव गरेको छ ।

kailash-bank

बैंक सञ्चालक समितिको ३२७ औं बैठकले उक्त प्रस्ताव राष्ट्र बैंकमा स्वीकृतिका लागि पेश गर्ने निर्णय गरेको हो । आगामी साधारणसभाबाट पारित भएपछि उक्त लाभांश वितरण हुनेछ । यस बैंकको सेयर १७७ रुपैयाको हाराहारीमा कारोबार भएको छ ।

गत वर्ष बैंकले प्रतिसेयर २१ रुपैयाँ आम्दानी हुने गरी १५ करोड रुपैयाँ खुद मुनाफा आर्जन गरेको छ । बैंकले गत वर्ष १२ प्रतिशत नगद लाभांश वितरण गरेको थियो । यस वर्ष बैंकले वित्तीय क्षमताले भ्याएसम्म सबै रकम लाभांश दिने प्रस्ताव गरेको छ । बैंकको चुक्ता पुँजी ७० करोड ७३ लाख रुपैयाँ रहेको छ ।

अनलाइनखबरको एन्ड्रोइड एपका लागि यहाँ क्लिक गर्नुहोस् । तपाईं हामीसंग फेसबुकट्वीटरमार्फत् पनि जोडिन सक्नुहुन्छ ।

फेसबुकबाट तपाईको प्रतिक्रिया

यसमा तपाइको मत




सम्बन्धित शीर्षकहरु

Also you may like this