OnlineKhabar.com

सर्वोच्च अदालतविरुद्ध बारले गर्‍यो आन्दोलनको घोषणा

'शम्भु थापाका समान फिर्ता नगरिए थप आन्दोलन'

२०७० भदौ २१ गते १३:२४ मा प्रकाशित

२१ भदौ, काठमाडौं । मन्त्रिपरिषद अध्यक्ष खिलराज रेग्मी विरुद्ध सर्वोच्च अदालतमा परेका १७ वटा मुद्दा खारेज गरेको विरोधमा नेपाल वार एशोसिएसनले अदालतविरुद्ध सडक आन्दोलनको घोषणा गरेको छ । साथै बरिष्ठ अधिवक्ता शम्भु थापाको ल र्फमबाट लगिएका कागजात र ल्यापटप राजस्व विभागले तुरुन्त फिर्ता नगरे नेपाल बार थप आन्दोलनमा उत्रिने भएको छ ।

nepal-barशुक्रबार राजधानीमा दिनभर बसेको नेपाल बार एशोसिएसनको केन्द्रीय कार्यसमितिको आकस्मिक बैठकले बिहीबार सर्वोच्च अदालतले गरेको निर्णयको कडा शब्दमा विरोध गरेको छ । ‘सम्माननीय का.मु.प्र.न्या. दामोदरप्रसाद शर्मा र अस्थायी मा.न्या. हरु प्रकाश वस्ती र तर्कराज भट्टवाट विना सुनुवाई, एकतर्फि रुपमा खारेज गरिएको घटनाले नेपालको स्वतन्त्र न्यायपालिकाको उपहास गरेको छ । यस्तो कार्य प्राकृतिक न्यायको सिद्धान्त विपरित र स्वच्छ सुनुवाईको सर्वमान्य सिद्धान्त समेतको विरुद्धमा भएकोले हामीलाई थप गंभीर वनाएको छ’ बैठकपछि जारी विज्ञप्तिमा भनिएको छ-‘कानुन व्यवसायीको प्रतिनिधित्व विना त्यस्ता गम्भीर विषयका १७ थान मुद्धाहरु केवल १० मिनेटमा खारेज गरिएको स्वेच्छाचारी शैलीको आदेशले स्वयं न्यायपालिकाको मान मर्दन र अदालतको अपहेलना जन्य कार्य भएको हाम्रो ठहर छ ।’

यो पनि पढ्नुस्

वरिष्ठ अधिवक्ता शम्भू थापाको ल फर्ममा राजश्वको छापा

बारका केन्द्रीय सल्लाकारहरु एवं उपत्यका इकाइसँगको छलफलपछि बैठकले बरिष्ठ अधिवक्ता शम्भू थापाको ल फर्ममा राजस्व विभागले गरेको खानतलासीलाई समेत राज्यबाट भएको आक्रमण ठहर गर्दै निन्दा गरेको छ । अधिवक्ता थापाबाट राजस्व कार्यालयले लगेका सामग्री र कागजात फिर्ता नगरे थप आन्दोलनमा उत्रिने बारको विज्ञप्तिमा उल्लेख छ ।

आन्दोलनको कार्यक्रम

बार बैठकले भाद्र २३ देखि अदालतको नियमित काम कारवाहीमा सहभागी नहुने र अदालत प्राङगणमा मुखमा कालोपट्टी बाँधेर एकघण्टा धर्ना दिने निर्णय गरेको छ । एकहप्ताभित्र आफ्नो माग सुनुवाइ नभए कडा आन्दोलनमा उत्रने बारले चेतावनी दिएको छ ।

सर्वोच्च अदालतमा रेग्मी विरुद्ध परेका १७ वटा मुद्दा बिहीबार कायममुकायम प्रधान न्यायाधीश दामोदरप्रसाद शर्मा, तर्कराज भट्ट र प्रकाश वस्तीको इजलासले खारेज गर्ने निर्णय गरेपछि नेपाल बारले अदालतमा रेग्मीको प्रत्यक्ष हस्तक्षेप भएको र स्वतन्त्र न्यायलयमाथि हस्तक्षेप भएको ठहर गरेको हो ।

हेर्नुहोस् बारको प्रेस विज्ञप्तिको पूर्ण विवरण

आज मिति २०७० साल भाद्र २१ मा वसेको नेपाल बार एशोसिएशनको आकस्मिक वैठकले निम्न वमोजिमको निर्णय गरेको छ । वैठक अघी नेवाएले सल्लाहाकार तथा उपत्यका वार इकाई संग परामर्श गरेको थियो ।

१. गत चैत्र १ गते जारी असंवैधानिक अध्यादेश भन्दा अघी परेका ओम प्रकाश अर्याल निवेदक समेत विरुद्ध खिलराज रेग्मी समेत भएका १७ वटा गंभिर संवैधानिक विषय समावेश भएका रिट निवेदन हरु मिति ०७०।५।२० मा सम्माननीय का.मु.प्र.न्या. दामोदर प्रसाद शर्मा र अस्थायी मा.न्या. हरु प्रकाश वस्ती र तर्कराज भट्टवाट विना सुनुवाई, एक तर्फि रुपमा खारेज गरिएको घटनाले नेपालको स्वतन्त्र न्यायपालिकाको उपहास गरेको छ । यस्तो कार्य प्राकृतिक न्यायको सिद्धान्त विपरित र स्वच्छ सुनुवाईको सर्वमान्य सिद्धान्त समेतको विरुद्धमा भएकोले हामीलाई थप गंभीर वनाएको छ । कानुन व्यवसायीको प्रतिनिधित्व विना त्यस्ता गंभिर विषयका १७ थान मुद्धाहरु केवल १० मिनेटमा खारेज गरिएको स्वेच्छाचारी शैलीको आदेशले स्वयं न्यायपालिकाको मान मर्दन र अदालतको अपहेलना जन्य कार्य भएको हाम्रो ठहर छ । न्यायपालिकाको प्रमुख नै कार्यपालिका प्रमुख भएको परिणाम स्वरुप यस्ता कार्य हुन सक्ने नेवाएको पूर्व निर्णय अझ पुष्टि भएको छ । यो प्रसंगमा हामी सम्माननीय का.मु.प्र.न्या. दामोदर प्रसाद शर्माज्यूले नेवाएको गत जेठ महिनामा वागलुङमा सम्पन्न कार्यकारिणी परिषद्को वैठकमा अभिव्यक्त ‘खिलराजको छायाँ न्यायपालिकामा पर्न दिन्न’ भन्ने मर्मस्पर्सी अभिव्यक्तीको स्मरण गराउँदै त्यसको सम्मान गर्न ध्यानाकर्षण गराउँदछौँ । त्यसैगरी उक्त इजलासमा वस्ने माननीय न्यायाधिशहरुको कार्यक्षमतामा प्रश्न उठेको प्रति नेवाए दुःख व्यक्त गर्दछ ।

२. साथै नेपाल वारका पूर्व अध्यक्ष, वरिष्ठ अधिवक्ता एवम् लोकतान्त्रिक आन्दोलनका सक्रिय व्यक्तित्व शम्भु थापाको पुतलिसडक स्थिति ल फर्ममा आज विना पूर्वजानकारी छापामार शैलिमा राज्यद्धारा गरिएको आक्रमणको नेवाए भत्र्सना व्यक्त गर्दछ । गत चैत्र १ गते जारी वाधा अड्काउ फूकाउ आदेश र त्यसपछी गरिएका असंवैधानिक नियुक्ती एव काम कारवाहीको विरुद्धमा सार्वजनकि रुपमा र कानून व्यवसायीको हैसियतमा उहाँले गर्नु भएको प्रतिवादको प्रतिशोध स्वरुप नै यस प्रकारको कार्य गरिएको हो भन्ने ने.वा.ए. को ठहर छ । स्वतन्त्र न्यायपालिकाको चीरहरण गरी प्रधानन्यायाधीशलाई म।प।को अध्यक्ष वनाईएपछि मूलुक झन प्रतिगमन र निरंकुशता तर्फ गएको र कानूनको शासनको धज्जी उडाइएकोमा कुनै विवाद हुन सक्दैन । स्वयम सरकारद्धारा जारी पछिल्लो आर्थिक अध्यादेशले समेत आगामी पौष मसान्त सम्म आर्थिक विवरण वुझाएमा, विगतको विवरण छानविन नगर्ने भन्ने स्पष्ट कानूनी व्यवस्था भई रहेकोमा आफैले जारी गरेको अध्यादेशको पनि उलंघन गरी गरिएको यस प्रकारको कार्य निन्दनिय छ । साथै नेपालको संवैधानिक र कानुनी व्यवस्थाले कानुन व्यवसायी र निजका पक्ष विचको परामर्श र काम कारवाहीलाई गोप्य राख्ने प्रत्याभूतिका विपरित गरिएको यस्तो कार्यले यथोचित विधि प्रकृयाको घोर उलंघन गरेको छ । यस प्रकारको राज्य आतंक कायमै राखिएमा लोकतन्त्रको पहरेदार नेवाए गंभीर कदम चाल्न वाध्य हुने चेतावनी समेत दिन चाहन्छ ।

तसर्थ उपरोक्त दुवै कार्य एवम निर्णय प्रति गंभिर असहमति जाहेर गर्दै यस्ता कार्यले लोकतन्त्र र स्वतन्त्र न्यायपालिकाको गरिमा र आस्थामा गंभिर विचलन पैदा गरेकोले त्यसको विरोध स्वरुप नेवाए निम्न वमोजिमको प्रथम चरणको विरोधको कार्यक्रम गर्ने निष्कर्षमा पुगेको छ ।

 १. आगामी भाद्र २३ गते आइतवार नियमित काम कारवाहीमा सरिक नभई दिनको ११ वजे देखि १२ वजे सम्म देशभरका सवै अदालतको प्राङ्गणमा कानुन व्यवसायीलाई वहस गर्न नदिएको प्रतिकात्मक संकेत स्वरुप मूखमा कालो पट्टी बाँधेर १ घण्टा धर्नामा वस्ने ।

२. कानुन व्यवसायी भएको नाताले नेवाएका पूर्व अध्यक्ष शम्भु थापा माथी गरिएको अर्मयादित र गैर कानुनी कार्य तुरुन्त रोक्न, थप कारवाही अघि नवढाउन र उहाँको कार्यालयवाट जवरजस्ती लगिएका मुद्धाका पक्षसंग सम्वन्धीत सामाग्री अविलम्व फिर्ता गर्न नेवाए जोड्डार माग गर्दछ र थप कारवाही नरोकिए थप विरोधका कार्यक्रम गर्न वाध्ये हुनेछ ।

३. उपरोक्त कार्यक्रम गरी १ हप्ता भित्र कथित नेपाल सरकार र न्यायिक नेतृत्वलाई आफ्नो गल्ती महसुस गर्न र आगामी दिनमा त्यसो नगर्न प्रतिवद्धताकालागी समय दिने र त्यसो हुन नसकेमा थप श-शक्त विरोधका कार्यक्रम संचालन गरी स्वतन्त्र न्यायपालिकाको रक्षाको खातिर निरन्तर संघर्षरत रहने ।

अनलाइनखबरको एन्ड्रोइड एपका लागि यहाँ क्लिक गर्नुहोस् । तपाईं हामीसंग फेसबुकट्वीटरमार्फत् पनि जोडिन सक्नुहुन्छ ।

Also you may like this

यसमा तपाइको मत




naya.com.np

 सम्बन्धित शीर्षकहरु

मर्जरबाट निजी क्षेत्रकै ठूलो बन्यो प्रभु बैंक

२९ माघ, काठमाडौं । राष्ट्र बैंकले ल्याएको मर्जर नीतिबाटै प्रभु बैंक निजी क्षेत्रको ठूलो बैंक बन्न सफल भएको छ । शाखा, एटीएम, सेयरधनीको संख्यालगायतमा...

भारतको गुजरातमा बस दुर्घटना, ४२ जनाको मृत्यु

२३ माघ, काठमाडौं । भारतको दक्षिण गुजरातमा यात्रुबहाक बस दुर्घटना हुदा ४२ जनाको मृत्यु भएको छ । गुजरातको नवसारी जिल्लामा शुक्रबार राति पूणर्ा नदिको...

सामसुङले ल्यायो ग्यालेक्सी ‘ए-५’ र ‘ए-७’

कोरियाली स्मार्टफोन उत्पादक सामसुङले ग्यालेक्सीको नयाँ सेरिज सार्वजनिक गरेको छ । मलेसियाको राजधानी क्वालालम्पुरमा आयोजित कार्यक्रममा सामसुङले मिड रेन्जका दुई स्मार्टफोन ग्यालेक्सी ‘ए-५’ र...

डेढ सय बर्षको इतिहास भएका दुई क्यानेडियन दैनिक सधैंका लागि बन्द

टोरण्टो । झण्डै डेढ सय बर्षदेखि प्रकाशन हुँदै आएका दुई क्यानेडियन पत्रिका बन्द भएका छन् । १४९ बर्षदेखि गुएल्फ शहरबाट प्रकाशन हुँदै आएको ‘गुएल्फ...

खुमबहादुरको गुनासोः कांग्रेसमा पैसाको चलखेल बढ्यो

१४ माघ, काठमाडौं । दिल्लीबाट मृगौला फेरेर स्वदेश फर्केका कांग्रेस नेता खुमबहादुर खड्काले डाक्टरको सल्लाह विपरीत आफ्नो निवासमा भीडभाड बढाएका छन् । मास्क लगाएर...

वीरगञ्ज नाका आंशिक खुल्न सक्छ, यस्ता छन् तीन आधार

१२ माघ, काठमाडौं । मंगलबार सरकारी निवास बालुवाटारमा सम्पादकसहितका वरिष्ठ पत्रकारहरुमाझ प्रस्तुत भएका प्रधानमन्त्री केपी शर्मा ओली नाकाबन्दी खुल्छ भन्नेमा पूर्ण विश्वस्त देखिए ।...

‘सिलिण्डर बोक्ने विद्वान’लाई केपी ओलीको चुनौती

१२ माघ, काठमाडौं । फेसबुके र टि्वटेहरुसँग प्रधानमन्त्री केपी शर्मा ओलीको अलि बढी नै चित्त दुखेको रहेछ । मंगलबार बालुवाटारमा प्रधानमन्त्रीको कुरा सुनेपछि यस्तो...

राज्यबाट दोहोरो सुविधा लिने हाकिमहरु चिन्नुहोस् (सूचीसहित)

१२ माघ, काठमाडौं । सार्वजनिक पद धारण गरेका उच्च प्रतिष्ठित व्यक्तिहरुले सरकारबाट दोहोरो सेवा सुविधा लिएर राज्यकोषमा ब्रम्हलुट गरिरहेको पाइएको छ । दोहोरो सुविधा...

गगन थापा: अब महामन्त्री लड्ने कि सभापति ?

१० माघ, काठमाडौं । नेपाली कांग्रेसका युवानेता गगन थापाले आगामी महाधिवेशनमा महामन्त्रीमा उठ्ने घोषणा गरेको दाङका पत्रकारले ‘स्कूप मारेका’ थिए । तर, स्वयं थापालाई...

आर्यघाटमा दाउराविनै जलाइयो रुपमायाको शव

रमेश धमला १० माघ, काठमाडौं । संस्कृति पर्यटन एवं नागरिक उड्डयनमन्त्री आनन्दप्रसाद पोखरेल आइतबार नयाँ कामको उदघाटन गर्न पशुपति आर्यघाट पुगेका थिए । त्यहाँ...
मुख्य पृष्ठ  हाम्रो बारे  विज्ञापन   सम्पर्क
© २००६-२०१३ Onlinekhabar.com सर्वाधिकार सुरक्षित