११ मंसिर, काठमाण्डौ । एकीकृत नेकपा माओवादीका बरिष्ठ नेता डा. बाबुराम भट्टराईले आफ्नो पार्टीले शान्ति र संबिधानको प्रकृयालाई नछाड्ने बताउनुभएको छ ।
नेपालका लागि अमेरिकी राजदूत बोडेसँग आज बिहान आफ्नै निवास सानेपामा छलफल गर्दै भट्टराईले त्यसका लागि सरकार र संबिधानका बिषयमा राजनीतिक सहमतिका आधारमा टुंगाइनुपर्ने आफ्नो सर्त रहेको जानकारी गराउनुभयो ।
भट्टराईका निजी सचिव बिश्वदीप पाण्डेका अनुसार उहाँले निर्वाचनका क्रममा बिभिन्न ठाउँमा धाँधली भएका घटना बाहिर आएका कारण त्यसबारे निष्पक्ष छानविन हुनुपर्ने आफ्नो पार्टीको माग रहेको जानकारी गराउनुभएको थियो ।
दोस्रो संबिधानसभाको निर्वाचनमार्फत् एमाओवादी तेस्रो स्थानमा झरेलगत्तै संबिधानसभामा नजाने उद्घोष गरेपछि अन्तराष्ट्रिय समुदायले एमाओवादीलाई परिणाम स्वीकार्न दबाब दिइरहेको छ ।
भेटका अबसरमा राजदूत बोडेले नेपालको राजनीति सहमतिका आधारमा अघि बढोस भन्ने आफ्नो मुलुकको चाहना रहेको जानकारी गराउनुभएको पाण्डेले जानकारी दिनुभयो ।
