गौतम ‘उदय’
किन होला, जिन्दगीमा, हारमाथि अर्को हार भो
बल्लतल्ल, पाएको जुनी यो, त्यसैत्यसै बरबाद भो
चोखो दिलले, मायाँ गर्नु कसैलाई
आफ्नैनिम्ति, अभिशाप भो ।
मेरो खुसी, नियतिको, एकतर्फी सम्झौता भो
यो जिन्दगी, नलिएको, ऋणको बक्यौता भो
अति धेरै, बिश्वास गर्नु कसैलाई
घातैमाथि, अर्को घात भो ।
मेरो मायाँ, मेरो समर्पण, आज कसैको सौदा भो
उसकै कारण, फेरि जीवन, प्रारम्भको मस्यौदा भो
निस्वार्थ मनले, समर्पित हुनु नै
आफ्नैनिम्ति, बज्रपात भो ।