छोराछोरीलाई जन्म दिएपछि पनि नायिकाहरु आफ्नो करिअर अगाडि बढाउन शारीरिक रुपमा तन्दुरुस्त हुन खोज्छन् । जसका कारणले पनि उनीहरुले निरन्तर चलचित्र बजारमा आफ्नो दबदबा कायम राख्न सक्छन् ।
चलचित्र क्षेत्रमा पनि यस्तै आमा नायिकाहरु छन्, जो आफूलाई मेन्टेन गर्न अब्बल छन् । एक छोरीकी आमा झरना थापा सधै जसो नै कार्यक्रममा आकर्षक देखिन्छिन् । नायिका अरुणिमा लम्साल पनि सार्वजनिक कार्यक्रममा धेरै देखिन्छिन् । सिनेमाको गतीमा पछि परेपनि सार्वजनिक कार्यक्रममा आकर्षक बनेर पुग्ने नायिका हुन्, अरुणिमा । नायिका संचिता लुइटेलको त २ सन्तान छन् ।
केही समयअघि सम्म शरीर मोटाएपछि संचिता सार्वजनिक कार्यक्रममा कमै मात्र देखिन्थिन् । तर हिजोआज उनले पनि आफूलाई आकर्षक बनाएकी छिन् । यसैले पनि चलचित्रको पर्दामा हराएपनि उनी सार्वजनिक कार्यक्रममा धेरै देखिन्छिन् ।
रेखा थापाले निर्माता छविराज ओझासाग डिभोर्स गरेकी हुन् । तर उनी आफूलाई अविवाहित नै बताउँदै आएकी छिन् । अविवाहित नायिकाहरु सुमिना घिमिरे, दीपाश्री निरौला पनि नायक श्रीकृष्ण श्रेष्ठको विहे पार्टीमा देखिएका थिए । तपाइलाई कुन नायिका र कसको पहिरन आकर्षक लाग्यो, प्रतिक्रिया दिनुहोला ।