विजय थापा
२७ असार, वासिङटन डीसी । अमेरिकाको डिसी महानगर क्षेत्रको टाइसन कर्नरस्थित शेराटनमा ३२ औ ए एन डिसी सम्मेलनको अवसरमा आयोजना गरिएको एएनए फेशन एक्स्ट्रा भ्यागेंजा २०१४ भब्यताको साथ सम्पन्न भएको छ ।
३२ औ ए एन ए सम्मेलनको दोश्रो दिन जुलाई ५ तारिखमा सम्पन्न भएको ए एन ए फेशन एक्स्ट्रा भ्यागेंजा २०१४ मा मिस्टर ए एन ए नेपाल, सुबाश यादब तथा मिस ए एन ए नेपाल,रिया श्रेष्ठले बिजयी भएका छन् ।
यादब सर्लाहीका हुन् भने अमेरिकामा टेक्सासको बर्लेसनमा बसोबास गर्दै आएका छन् । उनि दूग्ध बिज्ञानका बिद्यार्थी हुन् ।
यसै गरि मिस एएनए नेपालको ताज प्राप्त गर्ने रिया श्रेष्ठ अमेरिकाको मीनेसोटामा बसोबास गर्छिन भने उनि कम्प्युटर बिज्ञान कि बिद्यार्थी हुन् ।
उक्त प्रतियोगिताको लागि अन्तिम १६ जना प्रतियोगीहरुमा ८ जना महिला तथा ८ जना पुरुष छनौटमा परेका थिए भने उक्त प्रतियोगितामा अधिकांश सहभागी बिद्यार्थीहरुको रहेको थियो ।
मिस्टर वोग एएन ए सुबास यादब तथा मिस वोग ए एन ए हुने रिया श्रेष्ठलाई अमेरिकाबाट नेपाल जाने आउने दुवै तर्फको हवाई टिकट तथा अन्य पुरस्कारहरु प्रदान गरिएको छ ।
उक्त हवाई जहाजको टिकटको प्रायोजन गर्ने एरो नेपाल ट्रावल तथा एअर जोन ट्रावलले गरेको छ । एरो नेपाल ट्रावलका संचालक राकेश तुलाधरले भन्छन यो हाम्रो लागी सुवर्ण अवसर हो भन्दै यस्तो कार्यक्रममा आफुले समाजलाई सहयोग गर्दै आएको बताए ।
बिगत सात बर्ष देखि उक्त भेषभुषा प्रदर्शन गराउँदै आएको जानकारी यसका संचालक शरद बिक्रम सिंहले दिए भने अझ व्यवस्थित र आधुनिकीकरण गर्ने सोचको साथ अगाडी बढी रहेको बताए।
