बलिउड नायिका बिपासा बसुले आफ्ना प्रेमी हर्मन बावेजासँग इंगेजमेन्ट गरेकी छिन् ।
लामो समयदेखिका पार्टनर जोन अब्राहमसँगको ब्रेकअपपछि बिपासको सम्बन्ध नायक हर्मनसँग जोडिएको थियो ।
सन् २०१२ मा पहिलोपटक सार्वजनिक कार्यक्रममा सँगै देखिएको यो जोडीले त्यसयता आफुहरु प्रेममा डुबिरहेको जनाऊ दिँदै आएका छन् ।
पारिवारिक स्रोतको हवाला दिँदै जुम टीभीले जनाएअनुसार उनीहरुले गत सातामात्र इंगेजमेन्ट गरेका छन् । दुवैतर्फका परिवारका नजिकका सदस्यमात्र उपस्थीत कार्यक्रममा बिपासाकी साथी एवं नायिका सिल्पा सेट्टी र उनका पति राज कुन्द्रा पनि थिए । तर, शिल्पाले यसबारे प्रतिक्रिया दिन अस्वीकार गरिन् ।
केही महिनाअघि दुवैका अभिभावकले भेटेका थिए । ३३ बर्षिय हर्मन र ३५ बर्षिया बिपासा आफ्नो सम्बन्धप्रति निकै गम्भीर रहेको पाएपछि अभिभावकले बिबाहको प्रकृया अगाडी बढाएका थिए ।
इंगेजमेन्टपछि उनीहरु सँगै बस्न थालेको र यसै बर्षको अन्तिमसम्ममा औपचारिकरुपमा बिबाह गर्ने बताइएको छ ।
