अर्जेन्टिना प्रशिक्षक साबेलाले विश्वकप फुटबलपछि पद छाड्ने भएका छन् । अर्जेन्टिनाले विश्वकपको फाइनलमा सोमबार विहान १२: ४५ मा जर्मनीको समना गर्दैछ ।
तर, माराकानामा हुने फाइनल भिडन्तको परिणाम जे आएपनि साबेलाले अर्जेन्टिनाको प्रशिक्षक पद छाड्ने निर्णय लिएका छन् ।
५९ वर्षीय साबेलाले २०११ जुनमा अर्जेन्टिनी टोली सम्हालेका छन् । उनको प्रशिक्षणमा अर्जेन्टिनाले ४० खेल खेलेको छ, जसमा २६ खेल जितेको छ । २४ वर्षपछि अर्जेन्टिना विश्वकपको फाइनलमा पुगेको छ ।
