अनलाइन डेटिङका क्रेजीहरुका लागि सजिलो एप तयार भएको छ जसले तस्वीर नहेरी आवाजबाटै आफुलाई मन पर्ने पार्टनर छान्न सम्भव गराइदिनेछ ।
रिभेलर नामक उक्त एपका सर्जकहरुले यो एपको माध्यमबाट डेटिङमा सतहीपना अन्त्य गर्ने र आँखा चिम्लिएर आफुलाई सुहाउँदो जोडी खोज्न सहज बनाउने उद्धेश्य राखिएको बताएका छन् ।
यो नयाँ एपमा डेटिङका लागि पार्टनर खोजिरहेको व्यक्तिको २० सेकेण्डको एक साउण्ड क्लिपको प्रयोग हुनेछ । तर, उसको तस्वीर भने धमिलो पारिएको हुन्छ ।
त्यसपछि प्रयोगकर्तालाई उनीहरुका सम्भाव्य नजिकको व्यक्तिको सूचि मिलान गरिन्छ जसमा व्यक्तिको नाम, उमेर, स्थान तथा उनीहरुको आफ्नो आवाजबाट परिचय ।
जब दुईबीचको आवाजबाट डेटिङ पार्टनर बन्न सक्ने ठहर एपले गर्छ तब ती एकअर्कालाई उनीहरु दुबैको तस्वीर देखाइन्छ । प्रयोगकर्ताहरुले आफुले रोजेका प्रसस्तै अन्य कामूक आवाज समेत सुन्न सक्छन् ।
बेलायतका २७ वर्षे गुए ह्यारिंगटन र ३२ वर्षे पाउल लेइटले यो एपको विकाश गरेका हुन् । अहिलेका डेटिङ एपहरु हावादारी रहेकै कारण आफुहरुले साँच्चीकै भरपर्दो डेटिङ एपको रुपमा रेभेलरको विकाश गरेको गुइको दाबी छ ।
डेटिङ एप टिन्डरबाट दिक्क भएकै कारण आफुहरुले एक दिन आँखा चिम्लिएर डेट जाने स्टाइलको एपको विकाश गर्ने सोँचेका उनको भनाइ छ । कसैले यो एपको माध्यमबाट डेटिङ गएर बिहे समेत गरेभने आफुहरुलाई निकै खुसी लाग्ने उनी बताउँछन् ।
एप्पलको एप स्टोरका एक प्रयोगकर्ताले भनेका छन्, ‘मान्छेको तस्वीर नदेखिकनै उसको आवाज सुन्दा एक अर्काबीचको सम्बन्ध अझै बलियो हुन्छ ।’
डेटिङ एपः अब अनुहार नहेरी आवाजबाटै पार्टनर छान्न सकिने
यो खबर पढेर तपाईलाई कस्तो महसुस भयो ?
ट्रेन्डिङ
सम्बन्धित खवर
Advertisment