-सुरेश सुमन डागी

कहिले शुन्यमा कहिले हजारमा हुन्छु
कहिले गाँउमा कहिले बजारमा हुन्छु

खै मान्छेहरु मलाई यति महत्व दिन्छन्
कहिले किनारमा कहिले मझधारमा हुन्छु

कोही खाली हात कोही बिस्तरा बनाउँछन्
कहिले निराशामा कहिले उपहारमा हुन्छु

न रिसाउँछन् मसँग न माया गर्न सक्छन
कहिले आक्रोशमा कहिले स्विकारमा हुन्छु

म कसैको होईन तर सबै आफ्नो ठान्छन
कहिले बिछोडमा कहिले प्यारमा हुन्छु ।।