मुम्बई । सोनाक्षी सिन्हाको अभिनय हेरेर मनोरञ्जन लिने दर्शकका लागि नयाँ खबर । उनले गाएको एवं नाचेको हेर्नका लागि अब हलमै जानुपर्ने छैन । सोनाक्षी अब म्यूजिक भिडियोमा प्रस्तुत हुनेछिन् । त्यो पनि भिन्न गेटअपमा ।
र्यापर हनी सिंहको नयाँ म्यूजिक भिडियोमा भिन्न गेअपमा प्रस्तुत हुने तयारीमा रहेकी सोनाक्षीलाई जोनीफर लोपेज शैलिमा प्रस्तुत गरिने योजना छ । ‘देशी कलाकार’ नाम राखिएको एल्बममा सोनाक्षीको गेटअपवारे नयाँ कुरा सार्वजनिक भएपछि केही म्युजिक भिडियो निर्देशक समेत सोनाक्षीको गेटअपको प्रतिक्षामा छन् ।
हनि सिंहले यो भिडियो केबल म्यूजिक भिडियो मात्रै नहुने बताउँदै लघु चलचित्र नै बन्ने दाबी गरेका छन् । यस भिडियोको सम्पूर्ण सुटिङ भारत वाहिर गरिने योजना निर्माण पक्षको रहेको छ ।
