११ भदौ काठमाडौं । मेगा बैंक र जेएमई रेमिट कम्पनीबीच रेमिट्यान्स भुक्तानी सम्झौता भएको छ । दुबै संस्थाबीच बुधबार राजधानीमा सम्झौता भएको हो ।
मेगा महल कान्तिपथमा बैंकका प्रमुख कार्यकारी अधिकृत अनिल केशरी शाह र जेएमई रेमिटका अध्यक्ष दीपेन्द्र जोशीले सम्झौतापत्रमा संयुक्त हस्ताक्षर गरे ।
सम्झौता पश्चात जापानमा रहेका नेपालीहरुलाई स्वदेशमा रकम पठाउन थप सहज हुनेछ । जेएमईले जापानबाट पठाएको रकम मेगा बैंकका देशभर छरिएर रहेका २८ वटा शाखा र ११ सयभन्दा बढी एजेन्टहरुमार्फत सहजै भुक्तानी लिन सकिने बैंकले जनाएको छ ।
त्यसैगरी जेएमई रेमिटले पनि आफ्ना घरेलु एजेन्ट नेटवर्कमार्फत मेगा रेमिटको भुक्तानी गर्न सक्नेछ । यो व्यवस्थाले देशभरी नै सहज र छरितो रुपमा रेमिट्यान्स सेवा उपलब्ध हुने अपेक्षा लिइएको छ ।
