राजधानीबाट शुक्रबार प्रकाशित सबैजसो दैनिक पत्रिकाले संविधानका अपरिवर्तनीय बुँदामा सहमति भएको, नयाँ संविधानको नाम नेपालको संविधान राख्न दलहरु सहमत भएको खबरलाई प्राथमिकताका साथ छापेको छ ।
नयाँ पत्रिकाले बाढीपीडितको ८२ करोड राहत सिंहदरबारमै थन्किएको, विद्युत निर्यात गर्ने आयोजनालाई पनि अनुदान दिने तयारी भएको, डोटीमा एचआइभी संक्रमितको मृत्यु हुँदा किरिया नगरिने र मरेकै दिन मासुभात खाने चलन रहेको खबरलाई प्राथमिकताका साथ छापेको छ ।
अन्नपूर्ण पोस्टले चीनले मिचेको भूमिमा नेपालीबाट उल्टै कर असुल गरिएको, भारतद्धारा नेपाली प्रस्तावको स्वागत गरिएको, चाँडै उर्जा वार्ता हुने खबरलाई प्राथमिकताका साथ छापेको छ ।
नागरिक दैनिकले बिरामी जाँचे बापत डाक्टरले ५ सय रुपैयाँ भन्दा बढी लिन नपाउने, प्रहरीमा धमाधम बढुवा र सरुवा भइरहेको खबरलाई प्राथमिकताका साथ छापेको छ ।
राजधानी दैनिकले उच्चस्तरीय राजनीतिक समितिमा दलहरु सहमति नजिक, संविधान निर्माणको मुख्य विवादमा सहमति जुटेको खबरलाई प्राथमिकताका साथ छापेको छ ।