१३ भदौ, काठमाडौं । एसियाडको तयारीका क्रममा बंगलादेश गएको नेपाली फुटबल टोलीले मैत्रिपूर्ण खेलमा घरेलु टोलीलाई पराजित गरेको छ ।
शुक्रबार भएको खेलमा नेपालले बंगलादेशलाई १-० गोल अन्तरले पराजित गरेको हो । नेपालका लागि ७९ औं मिनेटमा सुशील केसीले गोल गरेका थिए । उनले रोविन श्रेष्ठको पासमा गोल गरेका हुन् ।
यसअघि पहिलो मैत्रिपूर्ण खेलमा नेपाल बंगलादेशको टोलीसँग १-० गोल अन्तरले पराजित भएको थियो ।
