१६ भदौ काठमाडौं । पोखरामा प्रधान कार्यालय रहेको गण्डकी विकास बैंकको सञ्चालक समितिले आर्थिक वर्ष २०७०/०७१ को नाफाबाट सेयरधनीलाई २० प्रतिशत प्रतिफल दिने निर्णय गरेको छ ।
बैंकले १० प्रतिशत बोनस सेयर र १० प्रतिशत नगल लाभांस दिने निर्णय गरेको प्रमुख कार्यकारी अधिकृत छविन्द्र शर्माले जानकारी दिए । बैंकले गत आर्थिक वर्षमा ७ करोड ९१ लाख खुद नाफा कमाएको थियो ।
बैंकको उक्त प्रस्तब नेपाल राष्ट्र बैंक र बैंककै आगामी सधारणसभाबाट पारित भएपछि मात्रै कार्यान्वयन हुन्छ । गत वर्ष बैंकसम्ममा बैंकले ३ अर्व १० करोड रुपैयाँ निक्षेप संकलन गरी २ अर्व ६६ करोड रुपैयाँ कर्जा प्रवाह गरेको छ ।