एन्ड्रोइड मोबाइलमा मात्र डाउनलोड हुने नायक जीवन लुइटेलको एप्स अब आइफोनमा पनि उनका फ्यानले डाउनलोड गर्न सक्नेछन् । करिब १० हजार भन्दा बढी मानिसले एन्ड्रोड मोबाइल मार्फत जीवनको व्यक्तीगत एप्स डाउनलोड गरेका थिए । प्रविधीको विकाससँगै यसमै दौडन सक्ने जीवनले केही समयअघि मात्र आफ्नो एप्स सार्वजनिक गरेका थिए ।
आइओएस भर्सनमा ल्याएपछि जीवनले अब आफ्नो एप्समा कथा, कविता पनि समावेश गर्ने जनाएका छन् । जीवन प्रविधिीसँगै दौडेर एप्स सार्वजनिक गर्ने पहिलो नेपाली कलाकार हुन् । यसैविच, नायक जीवन लुइटेल व्यस्त सेड्यूलका बाबजुत शुक्रबार अमेरिका प्रस्थान गर्ने भएका छन् ।
३ दिनका लागि अमेरिका जान लागेको जीवनले सम्मान समेत थाप्ने जनाइएको छ । उनी यतिबेला चलचित्र ‘भूलभुलैया’को छायांकनमा व्यस्त छन् । ३ दिन सुटिङ छोडेर उनी अमेरिका जान लागेका हुन् ।