लजालु तथा अन्तरमूखी मानिसहरुले फेसबुकमा बढि समय बिताउने तर आफ्ना साथीहरुसँग भने कममात्रै सूचना, जानकारी तथा कुराहरु मात्रै सार्वजनिक गर्ने गरेको एक रोचक अध्ययनले देखाएको छ ।
‘अन्तरमूखी तथा लजालु मानिसहरुले फेसबुकको प्रयोग लामो समयसम्म गर्छन् तर उनीहरुले फोटो अपलोड गर्ने तथा साथीहरुको वालमा पोष्ट गर्ने काम भने कम गर्छन्’, अमेरिकाको अलाबामा विश्वविद्यालयकी शोधकर्ता प्याभिका शेल्डनले बताएकी छिन् ।
बढि बोल्ने -बहिर्मूखी) तथा नलजाउने मानिसहरुले भने साथी तथा परिवारसँग सम्बन्धमा जोडिएर बढि फाइदा उठाउने र उनीहरुले बढि तस्वीर तथा भिडियो अपलोड गर्नुका साथै छिटो छिटो स्टाटस अपडेट समेत गर्ने गरेका अध्ययनको निष्कर्ष छ ।
अनलाइन बाहिरको सामाजिक तथा व्यक्तिगत सम्बन्धमा सबल मानिसहरुले फेसबुकको प्रयोगबाट बढि लाभ लिन सक्ने समेत शोधकर्ताहरुको दाबी रहेको साइन्स डेलीले जनाएको छ ।