मंगलवार राजधानीबाट प्रकाशित भएका आर्थिक क्षेत्रका पत्रिकाहरुले फरक फरक विषयवस्तुको खबरलाई प्राथमिकता दिएर खबर छापेका छन् ।
कारोबार दैनिकले ‘दसैंमा घर फर्किने हवाई टिकट छैन’ शीर्षकमा मुख्य खबर छापेको छ । रोजगारी र अध्ययनका लागि बिदेसिएका नेपाली यो वर्षका दसैं, तिहार, छठजस्ता पर्वमा सजिलै घर र्फकन पाउने छैनन् । चाडपर्व र पर्यटकीय सिजन एकैपटक सुरु भएकाले अधिकांश एयरलाइन्सका टिक विक्री भइसकेका छन् ।
यस्तै, योजना आयोगको पुर्नसंरचना हुँदै, निर्णय सार्वजनिक नहुँदे महसुल वृद्धि रोक्न सर्वोच्चको आदेश, बजारमा भारतीय र भुटानी आलु, श्राद्धले घटायो कुखुराको मूल्य, नेपाल-भारत आर्थिक सम्बन्ध विस्तारमा निजी क्षेत्रको जोड, इजरायललाई ३ सय कामदार लिन प्रस्ताव, लघुबिमा निर्देशिका जारी लगायतको खबर कारोबार दैनिकमा छ ।
आर्थिक दैनिकले ‘सात वर्षपछि नेपाल-भारत सीमा वैठक’ शीर्षकमा मुख्य खबर छापेको छ । बुधवारदेखि काठमाडौमा नेपाल-भारत सीमा कार्यदलको वार्ता तय भएको छ । नेपाल र भारतका सीमा क्षेत्रमा देखिएका समस्या समाधान गर्न यसअघि लगातार ३१ वटा बैठक भएको थियो । ३० औं बैठकले गरेका निर्णय कार्यान्वयन गर्नेबारे सातवर्षअघि सन् २००७ मा बसेको ३१ औं बैठकमा दुई देशबीच विवाद भएपछि बैठक बस्न सकेको थिएन ।
यस्तै, नेपाल टेलिकमका दर्जन भवन अबैध, सिभिलम ल र चाइना टाउन शपिङ सेन्टरमा कर बीजकको प्रयोग सून्य, सिंदरबार भित्रै सरकारी गाडी सिकाइदै लगायतका खबर आर्थिक दैनिकमा छ ।
अन्नपूर्ण पोष्टले ‘खाद्य वस्तुको मूल्य नियन्त्रण गर्न सरकार असफल’ शीर्षकमा मुख्य खबर छापेको छ । खाद्य पदार्थको मूल्य आकासिँदा पनि नियन्त्रण गर्न सरकारले दिनहुँ बजार अनुगमन गरे पनि त्यसको अनुभूति सर्वसाधारण उपभोक्ताले गर्न पाएका छैनन् ।
मूल्यवृद्धिप्रति प्रधानमन्त्री कार्यालयको चासो, चामलको मूल्यमा छुट दिन निर्देशन, अलैंचीमा अहिलेसम्मकै उच्च मूल्य किसानलाई, दोलखामा लगानी गर्न वीरगञ्जका ब्यवसायीलाई आग्रह लगायतको खबर अन्नपूर्ण पोष्टमा छ ।
नागरिक दैनिकले ‘एक खर्ब सहुलियत ऋण कार्यान्वयन तयारी’ शीर्षकमा मुख्य खबर छापेको छ । भारतीय प्रधानमन्त्री नरेन्द्र मोदीको नेपाल भ्रमणमा घोषणा भएको एक खर्ब रुपैंयाँ बराबरको सहुलियत ऋण सम्झौताको तयारी अघि बढेको छ ।
यस्तै, मर्जरमा जानु सुधारगृह भएको नेपाल राष्ट्र बैंकका गर्भनर युवराज खतिवडाको भनाई, निगमले मलेसियाको भाडा बढायो, मुस्ताङ्को स्याउ नपाक्दै विक्री, सुनकोसी जलविद्युतको बाँध जोखिममा, श्रीको नवौं हेलिकोप्टर जनवारीमा आउने लगायतको खबर नागरिक दैनिकमा छ ।
