४ असोज काठमाडौं । यो साता नेपाल स्टक एक्सचेन्जमा १ सय ६० कम्पनीका ४१ लाख ८६ हजार कित्ता सेयर १ अर्ब ८६ करोड ४७ लाख रुपैयाँमा कारोबार भएको छ । यो गतसाताको भन्दा ३.५३ प्रतिशतले बढी हो ।
गत साता १ सय ६७ कम्पनीका ४५ लाख ३२ हजार कित्ता सेयर १ अर्ब ८० करोड १८ लाख रुपैयाँमा कारोबार भएको थियो ।
साताको पहिलो दिनको तुलनामा अन्तिम दिन २.२६ अंकले घटेर नेप्से परिसूचक ८९९.८९ अंकमा झरेको छ । ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पहिलो दिनको तुलनामा ०.७४ अंकले घटेर १९३.३२ अंकमा आईपुगेको छ ।
यो साता कारोबार रकम (२६ करोड ५ लाख रुपैयाँ) को आधारमा कुमारी बैंक अग्रस्थानमा रहेको छ । त्यसै गरी कारोबार भएको सेयर संख्या (५ लाख ८४ हजार कित्ता) को आधारमा नबिल ब्यालेन्स फन्ड अग्रस्थानमा छ भने कारोबार संख्या (१२३५ वटा) को आधारमा कुमारी बैंक अग्रस्थानमा रहेको छ ।
कारोबार रकमका आधारमा साताका उत्कृष्ठ ५ कम्पनीहरु
क्र.सं.
|
कम्पनीको नाम | कारोबार रकम
(रु. दशलाखमा)
|
---|---|---|
१ | कुमारी बैंक | २६०.५३ |
२ | एनसिसी बैंक | १५६.८४ |
३ | चिलिमे हाइड्रोपावर कम्पनी | १४०.५ |
४ | ग्लोबल आइएमई बैंक | ९६.२१ |
५ | लक्ष्मी बैंक | ६२.४९ |
यस साता नेप्सेमा निम्नानुसारको धितोपत्र सूचीकरण भएका छन्ः
क्र.सं.
|
कम्पनीको नाम | धितोपत्रको किसिम | सूचीकृत कित्ता
|
---|---|---|---|
१ | साइन रेसुंगा डेभलपमेन्ट बैंक | हकप्रद सेयर | १९,१९,१८२ |
२ | नेपाल लाइफ इन्स्योरेन्स | बोनस सेयर | ४४,६२,५००
|
३ | मेट्रो डेभलपमेन्ट बैंक | हकप्रद सेयर | ३,६१,००० |