धनकुटाको कुरुले तेनुपा गाविसका स्थानीयवासीले दसैंको टीका लगाउँदा पैसा लेनदेन गर्ने चलनको विरोध गर्दै केही वर्षअघि चलाएको अभियान सफल भएन ।
तर, मान्यजनबाट आशिर्वाद थाप्नुपर्ने बेलामा पैसाको महत्व बढ्दै गएकोमा उनीहरुमाझ अझै पनि चिन्ता यथावत छ ।
दसैंको दक्षिणाबारे मानिसहरुमा फरक- फरक मत देखिएको छ । कोही चाडबाडका बेला यस्तो प्रचलन जायज र सामान्य भएको बताउँछन् । कोहीचाँहि दसैंलाई पूरै लेनदेनरहित र निवर्गीय बनाउनुपर्ने बताउँछन् ।
त्यसो त तत्कालीन राजा वा वर्तमान राष्ट्रपतिले जनतालाई टीका लगाउँदा त्यहाँ पैसाको लेनदेन गर्ने प्रचलन छैन ।
तपाईको विचारमा टीका र आर्शिवाद थाप्दा दक्षिणाका नाममा पैसाको लेनदेन गर्ने चलन कति ठीक कति बेठीक ?
१. दसैंमा मान्यजनबाट आशिर्वाद थाप्ने हो, पैसा होइन । त्यसैले टीका लगाउँदा पैसाको लेनदेन गर्नुहुँदैन । आशिर्वाद मात्रै लिनुपर्छ ।
२. चाडबाडका बेला करकापले नभई इच्छाले दिइने कोसेली वा दक्षिणालाई आपत्ति मान्न जरुरी छैन ।
३. १२ वर्षमुनिका वालवालिकालाई दक्षिणा दिऔं । ६५ कटेका ज्येष्ठ मान्यजनहरुलाई सामान्य कोसेेली दिए पनि अरु उमेर समूहले आर्थिक लेनदेन नगरी टीकामात्रै लगाउने चलन चलाऔं ।
