६ असोज, न्यूयोर्क । संयुक्त राष्ट्रसंघको ६९ महासभामा भाग लिन गएका प्रधानमन्त्री सुशील कोइरालासहितको प्रतिनिधि मण्डल न्यूयोर्क पुगेको छ । । प्रधानमन्त्री कोइरालाले मंगलबार जलवायु सम्मेलनमा पनि संवोधन गर्ने कार्यक्रम छ ।
त्यस्तै बुधबार सुरु हुने संयुक्त राष्ट्र संघको ६९ औं महासभालाई प्रधानमन्त्री कोइरालाले शुक्रबार संबोधन गर्ने कार्यक्रम रहेको छ ।
न्यूयोर्क पुगेका प्रधानमन्त्रीलाई संयुक्त राष्ट्रसंघका लागि नेपालका स्थायी प्रतिनिधि दुर्गाप्रसाद भट्टराई, संयुक्त राज्य अमेरिकाकालागि नेपालका कार्यवाहक राजदूत ऋषिराम घिमिरे, अमेरिकी सरकारका अधिकारी र दूवै राजदूतावासका कर्मचारीहरुले स्वागत गरेका थिए ।