७ असोज, काठमाडौं । उपराष्ट्रपति परमानन्द झा चीनको स्वशासित क्षेत्र तिब्बतको राजधानी ल्हासा जाने भउका छन् ।
असोज ९ देखि ११ गतेसम्म आयोजना हुने प्रथम चीन-तिब्बत पर्यटन तथा सांस्कृतिक मेलामा भाग लिन उपराष्ट्रपति ल्हासा जान लागेका हुन् ।
तिब्बतको संस्कृति मन्त्रालय र राष्ट्रिय पर्यटन केन्द्रले संयुक्त रूपमा आयोजना गरेको मेलामा सहभागी भई उपराष्ट्रपति झा कैलाशमान सरोवर यात्रामा जाने कार्यक्रम रहेको परराष्ट्र मन्त्रालयले जनाएको छ ।
भ्रमण दलमा उपराष्ट्रपतिकी धर्मपत्नी, उपराष्ट्रपतिको कार्यालयका सचिव राजकुमार मल्ल, परराष्ट्र मन्त्रालयका सहसचिव अम्बिकादेवी लुइँटेललगायत छन् ।
उपराष्ट्रपति झा असोज १३ गते स्वदेश र्फकने कार्यक्रम छ । रासस
