११ असोज, काठमाडौं । डिफेण्डर फिल जागिएल्काले खेलको अतिरिक्त समयमा गरेको गोलको मदतमा इभर्टनले लिभरपुललाई बराबरीमा रोकेको छ ।
इंग्लिस प्रिमियर लिगमा शनिबार राति भएको खेलमा इभर्टनले लिभरपुललाई १-१ को बराबरीमा रोक्दै अंक खोसेको हो ।
घरेलु मैदान एन्फिल्डमा भएको खेलमा लिभरपुलले ६५ औं मिनेटमा अग्रता लिएको थियो । कप्तान स्टफेन जेरार्डले फि्रकिकमा गोल गरेका थिए ।
लगतै मारियो बालोटेलीको प्रहार बारमा लगेको थियो । तर, अतिरिक्त समयमा जागिएल्काले करिव ३० यार्ड टाढाबाट भली गोल गरे ।
