राकेश कार्की
चाड यो साझा हाम्रो संस्कृति
हामी संपूर्ण नेपालीको गर्व
तराई पहाड हिमाल हाँस्ने
हाम्रो दशैँ सद्भावको पर्व
बर्खाको बिदाइ शारदीय घाम
मालश्री राग स्त्री शक्तिको पूजा
देश-बिदेश घर सम्झिने फर्किने
लाउने खाने र लिङ्गे पिङको मजा
कावा खाइरहेका चङ्गाहरु सङ्गै
उडेका मनमा सांस्कृतिक सुगन्ध
टीका जमरा बडाको आसिक
हार्दिक औ जीवन्त सम्बन्ध
धान पहेंलपुर मादलका ताल
परिवार र आफन्तजनको भेला
शरीरमा नयाँ जोश उत्साह
राष्ट्र नै सुन्दर दशैँको बेला