नइ प्रकाशनले आआफ्नो ठाउँमा समर्पित भई प्रतिष्ठा आर्जन गर्ने १५ वर्षमुनिका नौ बालबालिकालाई २०७१ सालको ‘नइ देरुनीखपू पुरस्कार’ प्रदान गर्ने निर्णय गरेको छ ।
पुरस्कृत हुनेमा साहित्यतर्फ दीपशिखा घिमिरे, चित्रकलातर्फ असलराज तिम्सिना, गायनतर्फ निर्मित विष्ट, नृत्यतर्फ जिया जोशी, खेलकुदतर्फ शर्मिला गाहा मगर र बहुआयामिकतर्फ सृष्टि महर्जन छन् । पुरस्कारको राशि जनही दश हजार छ ।
यसैगरी ‘नइ देरूनिखपू कोपिला पुरस्कार’ गायनतर्फ प्रकृति मानन्धर र नृत्यतर्फ कशिष शाक्यलाई प्रदान गर्ने निर्णय भएको छ । पुरस्कारका राशि जनही सात हजार रहेको प्रकाशनका सदस्यसचिव नरेन्द्रराज प्रसाईँले जानकारी दिएका छन् ।
पाँच हजार राशिको ‘नइ देरूनिखपू चिचिला पुरस्कार’ प्रयत्ना सिलवाललाई प्रदान गरिने भएको छ । तीन वर्षकी सिलवाललाई नृत्यतर्फ पुरस्कार प्रदान गरिन लागिएको हो ।
पुरस्कार आगामी कात्तिक २२ गतेे प्रदान गरिनेछ ।