राजधानीबाट सोमबार प्रकाशित सबैजसो दैनिक पत्रिकाले नेपालले सिंगापुरलाई १९० रनले पराजित गरेको, उपकप्तान ज्ञानेन्द्र मल्लले शतक पूरा गरेको, दुर्घटनामा सुरक्षा प्रमुखलाई कारबाही गर्ने खबरलाई प्राथमिकताका साथ छापेका छन् ।
नयाँ पत्रिकाले दसैं तिहारमा भएका दुर्घटनामा २ सयको मृत्यु भएको, कांग्रेसको आयस्रोत घटेको, तीन दलको बैठकमा सहमति प्रयासमा प्रगति नभएको खबरलाई प्राथमिकताका साथ छापेको छ ।
नागरिक दैनिकले न्यायालयको भ्रष्टाचार हेर्न आयोग बनाउन न्यायाधीशले सुझाव दिएको, मृत मुटु प्रत्यारोपण भएको खबरलाई प्राथमिकताका साथ छापेको छ ।
नेपाल समाचारपत्रले जीप खस्दा ११ को मृत्यु भएको, क्यानडामा भएको आक्रमणको प्रधानमन्त्रीले निन्दा गरेको खबरलाई प्राथमिकताका साथ छापेको छ ।
राजधानी दैनिकले पूर्वरानी कोमल बिरामी भएको, पूर्वयुवराज पारस साहलाई बैंकककै सुधार गृहमा राखिने खबरलाई प्राथमिकताका साथ छापेको छ ।