Comments Add Comment

प्रधानमन्त्रीको बैंक खाता छैन, हातैमा तलब

फाइल तस्वीर
फाइल तस्वीर

१३ कात्तिक, काठमाडौं । प्रधानमन्त्री सुशील कोइरालाको कुनै पनि बैंकमा खाता छैन । आग्रह गर्दा पनि उनले खाता नखोलेपछि प्रधानमन्त्री तथा मन्त्रिपरिषद कार्यालयले हातमै तलब दिने गरेको छ ।
प्रधानमन्त्री तथा मन्त्रिपरिषद कार्यालयले अन्य मन्त्री तथा मातहतका सबै कर्मचारीको तलब बैंकखातामा पठाउने गरेको छ । तर, प्रधानमन्त्री कोइराला र उनका स्वकीय सचिवालयका कर्मचारीको बैंकखाता नआएपछि हातमै तलब दिने गरिएको प्रधानमन्त्री कार्यालय स्रोतले जानकारी दिएको नयाँ पत्रिकामा खबर छ ।
बैंकखाता नभएपछि व्यवस्थित रुपमा तलब पठाउन समस्या हुने कार्यालयका एक अधिकारीले बताए । ती अधिकारीले भने,-‘प्रधानमन्त्रीसहित स्वकीय सचिवालयका सबै कर्मचारीको खाता भए सीधै बैंकमा तलब पठाउन सकिन्थ्यो । खाता नखोलेपछि सबैको नाममा छुट्टाछुट्टै चेक काटेर दिने गरिएको छ ।’ हाल प्रधानमन्त्री कोइराला र स्वकीय सचिवालयका सबै कर्मचारीको तलबको छुट्टाछुट्टै चेक उनका प्रमुख स्वकीय सचिव वसन्त गौतमले बुझेर सबैलाई दिने गरेका छन् ।
मन्त्रिपरिषदका तत्कालीन अध्यक्ष खिलराज रेग्मीको तलब बैंकखाता जाने गरेको थियो ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment