१३ कात्तिक, काठमाडौं । स्थानिय बजारमा सुनचाँदीको भाउ ओरालो लाग्ने क्रम जारी रहेको छ । बिहीबार पनि सुनचाँदीको भाउ ओर्लिएको नेपाल सुनचाँदी व्यवसायी महासंघले जनाएको छ ।
बिहीबार सुनको भाउ तोलामा ४ सय रुपैयाँ घटेर ५१ हजार २ सय रुपैयाँमा किनबेच भइरहेको छ । बुधबार सुन तोलाको ५१ हजार ६ सय रुपैयाँमा किनबेच भएको थियो । बुधबार सुन स्थिर रहँदै मंगलबार कायम भएको भाउमा किनबेच भएको थियो ।
चाँदीको भाउ तोलामा ३ रुपैयाँ घटेको महासंघले जनाएको छ । स्थानिय बजारमा बिहीबार चाँदी तोलाको ७ सय २२ रुपैयाँमा किनबेच भइरहेको छ । बुधबार चाँदी तोलाको ७ सय २५ रुपैयाँमा किनबेच भएको थियो ।